Były staršynia Dziaržkantrolu Anfimaŭ: Volnica z razhułam demakratyi ŭ telehramie niedapuščalnaja
«Infarmacyja pra padziei 2020 hoda ŭ telehram-kanałach na 99,9% była niapraŭdaj», — pierakanany Leanid Anfimaŭ.
Volnica z razhułam demakratyi ŭ telehram-kanałach niedapuščalnaja. Pra heta zajaviŭ žurnalistam pieršy namieśnik hienieralnaha sakratara SND, kiraŭnik Kamiteta dziaržkantrolu ŭ 2014-2020 hadach, Leanid Anfimaŭ pierad 30-m pasiadžeńniem Savieta kiraŭnikoŭ dziaržaŭnych infarmacyjnych ahienctvaŭ SND, piša BiełTA.
«Kali kazać pra Biełaruś, to 2020 hod nas šmat čamu navučyŭ, kali my dapuścili hetuju volnicu z razhułam demakratyi, dzie kožny moh u telehram-kanałach kazać usio, što jamu ŭzdumajecca, pryjdzie ŭ hałavu. I na 99,9% heta była niapraŭda», — skazaŭ Leanid Anfimaŭ.
«Vy viedajecie, ja čałaviek daśviedčany. I kali čytaŭ hetyja paviedamleńni ŭ telehram-kanałach, zachodziačy tudy časam, prosta dzivu davaŭsia, adkul ludzi čerpali hetuju infarmacyju, kab raskazać absalutnuju niapraŭdu našamu narodu. Šmat u čym heta paŭpłyvała na nastroj ludziej», — adznačyŭ jon.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary