Za minuły śviatočny i dva vychodnyja dni na biełaruskich darohach zatrymany 444 niećviarozyja kiroŭcy.
Samaja vialikaja kolkaść pjanych kiroŭcaŭ była vyjaŭlena ŭ subotu, 26 śniežnia, — 157 čałaviek, krychu mienš 27 śniežnia — 156, a 25 śniežnia — 141. U minułyja vychadnyja dni — 19 i 20 śniežnia — było vyjaŭlena adpaviedna 110 i 107 vypadkaŭ kiravańnia transpartnym srodkam u stanie ałkaholnaha apjanieńnia.
Akramia taho, u DAI paviedamili, što za try vychadnyja dni pa vinie pjanych kiroŭcaŭ u Biełarusi adbyłosia dva DTZ, u jakich zahinuli abo paciarpieli ludzi.
Nahadajem, što na terytoryi ŭsioj krainy da 31 śniežnia pravodzicca akcyja «Spynić biadu!». Pracujuć mabilnyja punkty, u jakich rabotniki achovy zdaroŭja ažyćciaŭlajuć ahlad kiroŭcaŭ z dapamohaj miedycynskaha abstalavańnia.
Dziaržaŭtainśpiekcyja nahadvaje, što, kirujučy aŭtamabilem u niećviarozym stanie, kiroŭca moža pazbavicca pravoŭ na 3 hady.
Jamu taksama daviadziecca zapłacić štraf u pamiery ad 15 da 35 bazavych vieličyń (adna bazavaja vieličynia roŭnaja Br35 tys.). Kali pry hetym čałaviek, jaki sieŭ za rul, nie maje vadzicielskich pravoŭ, praduhledžany štraf da 45 bazavych vieličyń. Za kiravańnie aŭtamabilem u pjanym vyhladzie paŭtorna na praciahu hoda jaho pryciahnuć da kryminalnaj adkaznaści.
