Siońnia (paniadziełak) u niamieckim Hielzienkirchienie adbudziecca tradycyjnaje bijatłonnaje šou «Kaladnaja honka zorak». U joj voźmie ŭdzieł i biełaruskaja bijatłanistka Darja Domračava.
Arhanizatary raźmierkavali ŭsich udzielnikaŭ na 10 miašanych par, pryčym Darji Domračavaj daviadziecca vystupić u duecie z aŭstryjskim bijatłanistam Daminikam Łandertynhieram.
Astatnija mini‑kamandy skłali: Michael Hrajs — Simone Chaŭsvald (Niamieččyna), Aksana Chvastenka — Andrej Dziaryziamla (Ukraina), Kaci Vilhielm (Hiermanija) — Krystaf Zuman (Aŭstryja), Mahdalena Hvizdon — Tomaš Sikora (Polšča), Volha Zajcava — Maksim Čudaŭ (Rasija), Jeva Tofałvi (Rumynija) — Daniel Hraf (Niamieččyna), Mary Łaur Brunie — Vensan Defran (Francyja), Łeni Barns — Džej Chakinien (ZŠA), Solviejh Rohstad — Tarje Boe (Narviehija).
Spabornictvy projduć u dva etapy: mas‑start i honka pieraśledu, jakija padzielić 45‑chvilinny pierapynak.
Honki pravodziacca ŭ farmacie miašanaj estafiety, kali spartsmieny paśla kožnaha kruha źmianiajuć adzin adnaho. Abodvum udzielnikam kamandaŭ treba prabiehčy pa dzieviać kołaŭ (daŭžynia kožnaha — 1,2 km) i pa vosiem raz naviedać ahniavy rubiež (8 patronaŭ, spudłavańnie — stomietrovaje štrafnoje koła).
Śviata bijatłonu projdzie na futbolnym stadyjonie kłuba niamieckaj bundeślihi «Šalkie‑04», trybuny jakoha źmiaščajuć amal 62 tys. hledačoŭ.
Žyvaja tranślacyja na telekanale «Jeŭrasport» a 19‑j.
