Turecki ŭrad uzvažvaje, ci varta źviartacca da Italii z prośbaj viarnuć u Tureččynu pareštki biskupa Nikałausa. Va ŭradzie Erdahana vyrašajuć, ci patrabavać zvarotu ŭ rodnyja miaściny cieła kananizavanaha carkvoj biskupa, jaki pasłužyŭ pravobrazam dla kaladnaha daranosca, śviatoha Mikałaja.
Biskup Nikałaus žyŭ u 3 st. n.e. u hreckim pasieliščy Mira - ciapier heta paŭdniovy zachad Turcyi (terytoryja sučasnaha horadu Demre). Siarod viernikaŭ Mikałaj zdabyŭ słavu tvorcy cudaŭ (adtul i najmieńnie Cudatvorca). Akramia hetaha biskup vysłaviŭsia tym, što na stałaj asnovie achviaravaŭ zołata biedakam, i pavodle niekatorych lehiendaŭ navat łaziŭ praz komin, adno kab zachavać fakt davańnia miłaścini ŭ sakrecie. Paśla śmierci biskup Nikałaus byŭ kananizavany Carkvoju, i ciapier jon – adzin z samych ŭlubionych śviatych chryścijanskaha śvietu. Kali ŭ CHI st. Miru zachapili araby-musulmanie, italjanskija matrosy zabrali pareštki śviatoha Mikałaja da siabie, dy śviaty spačyŭ u partovym horadzie Bary.
Kiraŭnik archieałahičnych daśledavańniaŭ u Demre prafiesar Nieŭzat Čevik skazaŭ u intervju VVS, što heta mienavita jon źviarnuŭsia da svajho ŭradu z prośbaju paspryjać zvarotu pareštak biskupa Nikałausa na radzimu. Prafiesar dadaje, što pry žyćci śviaty Mikałaj zaŭsiody kazaŭ svajmu atačeńniu, što choča być pachavanym u rodnym horadzie.
Kalady, moža, i nie cikaviać turkaŭ, ale ž asoba śviatoha Mikałaja vielmi papularnaja ŭ jaho rodnych miaścinach: u całkam musulmanskim horadzie ŭ hetyja dni haściej vitaje vialikaja płastykavaja statuja śviatoha Mikałaja z abaviazkovaj baradoj i čyrvonym futram.
