Pastaŭskaha piedahoha aštrafavali za «ekstremisckija» padpiski
Sudździa suda Pastaŭskaha rajona Natalla Maksimovič 28 listapada za padpisku ŭ sacyjalnych sietkach na čatyry «ekstremisckija» infaresursy pakarała štrafam u pamiery 555 rubloŭ i kanfiskavała ŭ dachod dziaržavy telefon vychavacielki karekcyjna-raźvivajučaha centra Natallu Sidlarevič, paviedamlaje «Viciebskaja viasna».
U pratakole ab administracyjnym parušeńni, jaki pastupiŭ u sud ź miascovaha adździaleńnia milicyi, zapisana, što Natalla Sidlarevič sa žniŭnia 2020 hoda była padpisanaja na staronki «Biełsat», Tut.by, «Maja kraina volnaja vialikaja jeŭrapiejskaja Biełaruś!!!» u sacyjalnaj sietcy «Odnokłaśśniki», a taksama telehram-kanał Symbal.by. Publikacyi hetych infarmacyjnych resursaŭ ułady raniej zanieśli ŭ respublikanski śpis ekstremisckich materyjałaŭ.
Na sudovym pasiadžeńni žančyna svaju «vinu» pryznała i zajaviła pra raskajańnie. Heta pasłužyła dla sudździ Maksimovič dastatkovym, kab prymianić u dačynieńni da «pravaparušalnicy» adnosna miakkaje pakarańnie ŭ ramkach č. 2 art. 19.11 KaAP — štraf u pamiery piatnaccaci bazavych vieličyń, a taksama kanfiskacyja mabilnaha telefona IPhone 4S.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary