Karkade: karysna ci nie?

Karkade — traviany napoj, jaki hatujuć z sušanych kvietak hibiskusu (sudanskaj ružy). Jon maje jarki čyrvony koler, pryjemny vodar i kisłavaty smak. Karkade pili jašče ŭ Staražytnym Jehipcie, a araby jaho ličyli lekam ad usich chvarobaŭ. U Jeŭropu hety napoj trapiŭ tolki ŭ XVIII stahodździ. Karkade možna pić jak haračym, tak i chałodnym. Ale jakija ž ułaścivaści maje hety napoj i nakolki jon sapraŭdy karysny dla zdaroŭja?

Śpiecyjalisty źviartajuć uvahu ŭ pieršuju čarhu na antacyjany, na jakija bahaty karkade. Jany spryjajuć umacavańniu imunnaj sistemy i ścienak sasudaŭ. Tamu ž umacavańniu spryjaje i vitamin D, jaki taksama jość u karkade.

Kvietki hibiskusu bahatyja na vitamin S, jaki źjaŭlajecca antyaksidantam, i vitaminami hrupy V, jakija padtrymlivajuć niervovuju sistemu, spryjajuć pamiaci, aktyvizujuć mazhavuju dziejnaść, uzdymajuć nastroj.

Aproč inšaha, miedź u składzie karkade palapšaje praces stvareńnia erytracytaŭ, mahnij umacoŭvaje ścienki kryvianych sasudaŭ, a kalij stabilizuje cisk.

Dziakujučy bahatamu vitaminna-minieralnamu składu karkade akazvaje stanoŭčaje ŭździejańnie na arhanizm: vyvodzić soli ciažkich mietałaŭ, spryjaje miakkamu ačyščeńniu kišečnika.

Kvietki sudanskaj ružy bahatyja na kviercecin z hrupy fłavanoidaŭ. Jon zjaŭlajucca antyaksidantam, jakija dobra ŭpłyvaje na viazkaść kryvi i ličycca važnym elemientam u prafiłaktycy trambozaŭ.

Pavialičyć

Taksama pra karkade viadoma, što jon spryjaje źnižeńniu skačkoŭ hlukozy ŭ kryvi. Napoj prynosić karyść zdaroŭju piečani, bo pavialičvaje kolkaść fiermientaŭ, jakija vyvodziać taksiny, źnižaje paškodžańni i atłuścieńnie hetaha orhana. Tamu karkade dobra pić dla źnižeńnia ałkaholnaj intaksikacyi arhanizma.

Karkade dobra zmahajecca z bakteryjami i virusami, tamu vielmi kaštoŭnyja ŭ asieńnie-zimovy pieryjad. A ŭ haračyniu hety napoj dobra pieraduchilaje abiazvodžvańnie.

U toj ža čas pry ŭžyvańni karkade treba być aściarožnym.

Hibiskus utrymlivaje značnuju kolkaść arhaničnych kisłot, što robić napoj kisłavatym na smak. Z-za hetaha jaho nie rekamiendujecca pić ludziam, jakija majuć paškodžańni ślizistaj abałonki straŭnikava-kišečnaha traktu. Taksama jaho niamožna pić tym, chto pakutuje ad žoŭcievakamiennaj chvaroby, bo karkade maje mačahonnaje ŭździejańnie, što moža pryvieści da ruchu kamianioŭ u žaŭciaku i nyrkach.

Karkade — naturalny estrahien, jaki stymuluje skaračeńnie matki i błakuje vyśpiavańnie jajcakletak. Tamu jaho niamožna pić tym žančynam, jakija prymajuć harmanalnyja preparaty, płanujuć začać dzicia, a taksama ciažarnym.

Nielha taksama zabyvacca i pry indyvidualnaje nieprymańnie praduktu.

Čytajcie jašče:

Plusy i minusy mate

Japonski čaj matča (macia): čym jon karysny i jak hatavać

Toje, jak my trymajem kubak, raskryvaje asablivaści našaha charaktaru

• 25
• 0
• 1
• 0
• 5
• 1
• 5
• 0