Pa Miensku papaŭźli čutki pra rujnavańnie čarhovaha budynku ŭ Vierchnim horadzie: domu XVIII st. na vuł. Kiryły i Miatoda, 7. Z tym, kab potym pabudavać na tym miescy čarhovy mulaž.
Fota Andreja Lankieviča
Pa Miensku papaŭźli čutki pra rujnavańnie čarhovaha budynku ŭ Vierchnim horadzie: domu XVIII st. na vuł. Kiryły i Miatoda, 7. Z tym, kab potym pabudavać na tym miescy čarhovy mulaž.
Supracoŭnica ŭpraŭleńnia pa achovie historyka-kulturnaj spadčyny Minkultu Aksana Smatrenka kaža, što pryčynaŭ dla chvalavańnia niama: «Havorka viadziecca pra rekanstrukcyju, a nia znos. U budynku pabyvali supracoŭniki Ministerstva. Adnak hałoŭnyja vysnovy možna budzie rabić paśla taho, jak na zapyt ułaśnika abjektu – Ekzarchatu RPC – budzie zroblena adpaviednaja ekspertyza i stanie viadomy charaktar i abjom pracy». Spn.Smatrenka paćvierdziła infarmacyju pra vysialeńnie arhanizacyjaŭ, što mieścilisia ŭ budynku. Pracy musiać raspačacca ŭ najbližejšy čas.
Pobač, na miescy zrujnavanaha naprykancy minułaha hodu domu druhoj pałovy XIX – pač.XX st. užo budujecca adzin z mulažoŭ. Navabud i dom № 7 raździalaje budaŭničaja placoŭka. Rujnujučy dom na Handlovaj, 27, adkaznyja za heta ŭstanovy sustreli niaznačny supraciŭ z boku hramadzkaści.
❏
Dom №7
u «Zbory pomnikaŭ historyi i kultury Biełarusi» (tom «Miensk», 1988 h.) jon fihuruje ŭ składzie pomnika «Klaštar bernardynak»: «Kompleks klaštaru składajecca z damoŭ №3,5,7 pa vuł. Kiryły j Miatoda (na čas vydańnia «Zboru...» – jašče Bakunina). Da žyłoha korpusu z paŭdniovaha ŭschodu prymykaje 3-paviarchovy muravany flihiel XVIII st. (vuł. Bakunina, 7)».
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary