Па Менску папаўзьлі чуткі пра руйнаваньне чарговага будынку ў Верхнім горадзе: дому XVIII ст. на вул. Кірылы і Мятода, 7. З тым, каб потым пабудаваць на тым месцы чарговы муляж.
Фота Андрэя Лянкевіча
Па Менску папаўзьлі чуткі пра руйнаваньне чарговага будынку ў Верхнім горадзе: дому XVIII ст. на вул. Кірылы і Мятода, 7. З тым, каб потым пабудаваць на тым месцы чарговы муляж.
Супрацоўніца ўпраўленьня па ахове гісторыка-культурнай спадчыны Мінкульту Аксана Сматрэнка кажа, што прычынаў для хваляваньня няма: «Гаворка вядзецца пра рэканструкцыю, а ня знос. У будынку пабывалі супрацоўнікі Міністэрства. Аднак галоўныя высновы можна будзе рабіць пасьля таго, як на запыт уласьніка аб’екту – Экзархату РПЦ – будзе зроблена адпаведная экспэртыза і стане вядомы характар і аб’ём працы». Спн.Сматрэнка пацьвердзіла інфармацыю пра высяленьне арганізацыяў, што месьціліся ў будынку. Працы мусяць распачацца ў найбліжэйшы час.
Побач, на месцы зруйнаванага напрыканцы мінулага году дому другой паловы ХІХ – пач.ХХ ст. ужо будуецца адзін з муляжоў. Навабуд і дом № 7 разьдзяляе будаўнічая пляцоўка. Руйнуючы дом на Гандлёвай, 27, адказныя за гэта ўстановы сустрэлі нязначны супраціў з боку грамадзкасьці.
❏
Дом №7
у «Зборы помнікаў гісторыі і культуры Беларусі» (том «Менск», 1988 г.) ён фігуруе ў складзе помніка «Кляштар бэрнардынак»: «Комплекс кляштару складаецца з дамоў №3,5,7 па вул. Кірылы й Мятода (на час выданьня «Збору...» – яшчэ Бакуніна). Да жылога корпусу з паўднёвага ўсходу прымыкае 3-павярховы мураваны флігель XVIII ст. (вул. Бакуніна, 7)».
Цяпер чытаюць
У Познані гінеколаг выдаліў 24‑гадовай беларусцы матку і яечнікі без яе згоды. Яму пагражае да 20 гадоў турмы11
Каментары