Najbujniejšy imparcior rasijskaj nafty, Indyja, skaraciła zakupki nafty ŭ Rasii i hatovaja całkam zamianić jaje na naftu z Saudaŭskaj Aravii, paviedamlaje Reuters sa spasyłkaj na krynicy.
Najbujniejšyja naftapierapracoŭčyja zavody Indyi — Bharat Petroleum i najbujniejšy ŭ krainie Indian Oil — užo ciapier razhladajuć mahčymaść nabyć u saudaŭskaj kampanii Saudi Aramco pa 1 młn barelaŭ nafty.
Adznačajecca, što rasijskaja nafta stvaraje Indyi ŭsio bolš prablem i bolš nie źjaŭlajecca vielmi pryvabnaj. U pryvatnaści, kupla rasijskaj lohkaj małasiernistaj nafty «Sokał» spałučanaja z prablemami pry sprobach pravieści płaciež, raskazaŭ adzin z surazmoŭcaŭ ahienctva. Akramia taho, Indyja ŭžo skaraciła zakupki nafty ŭ Rasii ŭ suviazi ź niepryvabnymi źnižkami.
U vyniku Indian Oil imkniecca zakuplać bolš paliva z Saudaŭskaj Aravii i Zachodniaj Afryki. Tym bolš što Saudaŭskaja Aravija ŭ studzieni źniziła ceny da samaha nizkaha ŭzroŭniu za 27 miesiacaŭ, tamu najbujniejšy indyjski NPZ zacikaviŭsia dadatkovaj zamovaj.
U pryvatnaści, u pačatku hoda Saudi Aramco źniziła ceny na lutaŭskija pastaŭki nafty svajoj klučavoj marki Arab Light va ŭsich rehijonach na fonie źnižeńnia popytu. U vypadku z Azijaj ceny ŭpali na 1,5-2 dalary za barel.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary