Sotni viernikaŭ sabralisia 11–12 žniŭnia ŭ vioscy Rosica (Drysienščyna) na ŭračystaść u honar błasłavionych pakutnikaŭ Jurja Kašyry i Antonija Laščeviča, spalenych žyŭcom u 1943 hodzie.
Sotni viernikaŭ sabralisia 11–12 žniŭnia ŭ vioscy Rosica (Drysienščyna) na ŭračystaść u honar błasłavionych pakutnikaŭ Jurja Kašyry i Antonija Laščeviča, spalenych žyŭcom u 1943 hodzie.
Pačynajučy z 1999 hodu, kali ajcy Jury i Antoni byli abvieščanyja papam Rymskim Janam Paŭłam II błasłavionymi, kožny hod adbyvajecca pilihrymka z Drui.
Z 2000 hodu pačali ładzicca pilihrymki i z Połacku, adkul sioleta kročyli kala 80 čałaviek. Štohod vierniki, pieravažna maładyja, nie bajučysia ciažkaściaŭ dalokaha šlachu, iduć da miesca pakutnictva śviataroŭ, jakija lubili Boha i ludziej bolš, čym svajo žyćcio.
Sioleta, 9 žniŭnia, kala paŭsotni pilihrymaŭ z ks.Michałam Ćvičkoŭskim vypravilisia ŭ Rosicu z Drui. U pilihrymcy brali ŭdzieł i piać čałaviek z Hłybokaha, a taksama niekalki čałaviek z Voršy i ź inšych haradoŭ. Jašče kala 30 čałaviek z ks.Valancinam Naradoŭskim dałučylisia ŭ Miorach.
Amal što sotniu kilametraŭ prajšli za try dni, i ŭžo viečaram 11 žniŭnia vierniki byli ŭ Rosicy. Načavali ŭ Miorach i Vierchniadźvinsku, dzie pilihrymaŭ pryniali na načleh miascovyja vierniki.
Unačy imšu adpraŭlaŭ biskup Uładzisłaŭ Blin, tady ž adbyłasia pracesija sa śviečkami da miesca pakutnictva, udzień – biskup Mienska-Mahiloŭskaj archidyjacezii Antoni Dziamjanka. Padčas uračystaściaŭ adbyłasia prezentacyja novaj knihi R. Baradulina «Rymski dypcich», a taksama vystup barda A.Kamockaha.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu13
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3131
Kamientary