Dvuch biełarusaŭ zatrymali ŭ Vilni pry sprobie vyjści ź ciahnika
Zdareńnie adbyłosia ŭčora viečaram na čyhunačnym vakzale.
Palicyja paviedamlaje, što kala 22:22 na vilenskim vakzale z tranzitnaha ciahnika «Kalininhrad — Sankt-Pieciarburh», jaki spyniŭsia ŭ stalicy Litvy, adčyniŭšy dźviery vahona, vyjšli dvoje mužčyn. Ich nieadkładna zatrymali supracoŭniki Słužby biaśpieki čyhunačnaha vakzała, piša Delfi.lt.
Vyśvietliłasia, što abodva mužčyny źjaŭlajucca hramadzianami Respubliki Biełaruś, adzin naradziŭsia ŭ 1980 hodzie, a druhi ŭ 1972 hodzie. U abodvuch byli šenhienskija vizy. Tym ža ciahnikom biełarusy adpravilisia ŭ Biełaruś. Ich achoŭvali da pamiežnaha punkta Kiana (sumiežny z Hudahajem na biełaruskim baku), kab jany nie vysadzilisia znoŭ.
Užo amal try hady, jak pramoje złučeńnie čyhunkaj pamiž Biełaruśsiu i Litvoj admienienaje. Adnak jość ciahnik Minsk — Kalininhrad, ale vyjści na terytoryi Litvy niemahčyma, tamu biełarusy jeduć da pamiežnaha punkta Čarnyšeŭskaje na miažy Litvy i Kalininhradskaj vobłaści i tam pakidajuć ciahnik.
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki6
Kamientary