«Biełavija» budzie składać čorny śpis pasažyraŭ. Kaho tudy mohuć unieści?
U studzieni byli pryniatyja źmieny ŭ Pavietrany kodeks. Zhodna ź imi, «Biełavija» zmoža ŭklučać pasažyraŭ u čorny śpis.
Stvaryć jaho rašyli, bo pasažyry časam parušajuć praviły: pačynajuć bojki na borcie, kurać, znachodziacca ŭ stanie ałkaholnaha apjanieńnia. Za hod u «Biełavija» kala 30 zafiksavanych incydentaŭ. Ale skarhi pastupajuć čaściej — pa 2-3 razy na tydzień, raskazali ŭ efiry ANT.
U listapadzie minułaha hoda, naprykład, adzin pasažyr lacieŭ ź Minska ŭ Šarm-el-Šejch. Pry zachodzie samalota na pasadku mužčyna rezka ŭskočyŭ, pajšoŭ da kabiny piłota, staŭ patrabavać upuścić jaho tudy, paśla staŭ patrabavać adčynić dźviery vychadu, kažučy, što jon prapuściŭ svoj prypynak i jamu treba terminova vychodzić.
Damovicca z avijakampanijaj i abyści błakiroŭku budzie niemahčyma. Ale dla pasažyraŭ u čornym śpisie buduć vyklučeńni — pieralot na lačeńnie ci supravadžeńnie dziciaci (treba budzie paćvierdzić dakumientami).
Traplać u śpis buduć nie nazaŭsiody. Kali administracyjnaje spahnańnie budzie źniata ci kryminalnaja sprava budzie skončana, to čałavieka vyklučać z bazy.
Zakon nabudzie siłu ŭ vieraśni.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
Vo diebił! 🤣🤣🤣