«Niaŭžo sumlennaść — heta pra «jabaciek» i «chataskrajnikaŭ»?
Paśla falsifikavanych vybaraŭ 2020 hoda i pratestaŭ Ninie daviałosia biehčy ź Biełarusi i budavać svajo žyćcio ŭ Polščy. Ale dumki pra rodnuju krainu jaje nie adpuskajuć. Jana dasłała vydańniu Ex-press.by realnyja historyi pra toje, kali ŭ Biełarusi akazvalisia zdolnymi na sumlennyja ŭčynki tyja, ad kaho hetaha nibyta nie čakałasia.
«Ja časta dumaju pra hetyja składanyja padziei, jakija adbylisia ŭ apošnija try hady sa mnoj i z majoj Biełaruśsiu… I ŭsio bolš razumieju: vyraznaha padziełu na «čornaje» i «biełaje» niama, žyćcio poŭnaje paŭtanoŭ», — raskazała žycharka Žodzina, jakaja ciapier vymušana žyvie za miažoj.
Pavodle jaje słoŭ, vybary 2020 hoda vyklikali raskoł hramadstva na try hrupy: «zmahary», «jabaćki», «chataskrajniki».
«Hrupy nie vyraznyja, — kaža žodzinka. — Cikava, ale pa maich nazirańniach, jość adno ahulnaje va ŭsich hetych hrup. Paślavybarčy hvałt zasiarodžvajecca na niezadavolenaści ŭ dačynieńni da tak zvanych «pravaachoŭnikaŭ».
Niekatoryja ludzi adčuvajuć da ich nianaviść, inšyja — strach, ale ahulny vynik adzin — da milicyi i jaje supracoŭnikam niama pavahi. Navat skažu tak: heta «nie lubiać» supravadžajecca vielmi niehatyŭnym adcieńniem.
Historyja 1
Pieršaja historyja (vielmi asabistaja) tyčycca doblesnaha Śledčaha kamiteta, jaki spačatku šukaŭ majo dzicia, a zatym mianie, niahledziačy na toje, što my źjazdžali ŭ rozny čas i navat u roznyja hady. Vidavočna, što da apošniaha momantu «ciahnuli kata za chvost» i pryjšli na kvateru i na pracu tolki tady, kali pierakanalisia, što ja dakładna źjechała.
Historyja 2
Druhaja historyja (užo nie asabistaja) źviazanaja z majoj siabroŭkaj u Viciebsku. Kali administratara adnaho z samych vialikich biełaruskich čataŭ «uziali pad nahlad», miascovy mient papiaredziŭ pra heta ŭdzielnikaŭ čata. Dadaŭšy: «Asabliva kali vy byli na biełaruskim numary — jedźcie». Ale, dziakuj bohu, siabroŭka mieła inšy numar dla telehrama, nie biełaruski.
Historyja 3
Treciaja historyja (nie asabistaja). Milicyjant adpuściŭ patencyjnaha palitviaźnia. Prosta tak, sam, pa svajoj inicyjatyvie… Chłopiec ciapier na voli i dahetul ździŭlajecca, čamu milicyjant tak zrabiŭ.
Historyja 4
Čaćviortaja historyja (amal asabistaja) pra maju siabroŭku. Jaje možna nazvać «chataskrajnicaj», ale jana kłapocicca pra palitviaźnia. Choć častku jaje listoŭ błakujuć, jon viedaje, što jaho nie zabylisia. I jon viedaje, što pra jaho pamiatajuć navat na akcyjach u Polščy.
Pytańnie: da jakoj katehoryi možna adnieści hetych ludziej? U mianie asabista niama adkazu, ale ja razumieju, što sistema, u jakoj takija ludzi z drobnymi, na pieršy pohlad, učynkami padryvajuć jaje, asudžanaja. Žyvie Biełaruś!»
Čytajcie taksama:
«Kali trapiŭ na Akreścina ŭ 2022 hodzie, padumaŭ: blin, jak ža dobra było ŭ 2020!»
Ciapier čytajuć
Udava aktyvista Maksima Čarniaŭskaha raskazała pra jaho pakuty pierad suicydam4
Kamientary