Nastupnyja dva miesiacy buduć krytyčna važnymi dla Kijeva — Bieły dom
Prezident ZŠA Džo Bajden pravioŭ telefonnuju razmovu z brytanskim premjer-ministram Ryšy Sunakam, u jakoj była zakranutaja tema dapamohi Ukrainie, piša BBC.
Pavodle pradstaŭnika Biełaha doma Džona Kirbi, surazmoŭcy havaryli pra Ukrainu i vostruju patrebu ŭ dadatkovym finansavańni i padtrymcy jaje zdolnaści abaranić siabie na poli boju.
«Nastupnyja paru miesiacaŭ buduć krytyčna važnymi dla Ukrainy. Kali vy dumajecie, što bai spyniacca, tamu što śnieh pajšoŭ, padumajcie jašče raz. Rasiejcy praciahvajuć abstrelvać Ukrainu dronami i rakietami, i choć linija frontu nie pasunułasia prykmietna ŭ jaki-niebudź bok, praciahvajucca aktyŭnyja bajavyja dziejańni», — skazaŭ Džon Kirbi.
«Ukrainskich kamandziraŭ, ja liču, treba pazbavić nieabchodnaści prymać składanyja rašeńni ab tym, jakuju zbroju ŭžyć, jakija snarady i rakiety vykarystoŭvać, tamu što jany nie viedajuć, kali pastupić čarhovaja partyja. I heta žudasnaja situacyja, u jakoj znachodziacca ŭkrainskija vajskoŭcy, u adroźnieńnie ad rasiejskich, jakija nie pakutujuć ad takoj niavyznačanaści, jakija źviartajucca da Paŭnočnaj Karei pa balistyčnyja rakiety i, darečy, praciahvajuć vykarystoŭvać ich, jak i iranskija drony», — skazaŭ pradstaŭnik Biełaha doma.
Zachodnija ekśpierty schilajucca da dumki, što ŭkrainskaja taktyka «aktyŭnaj abarony» apraŭdvaje siabie
Pucin prakamientavaŭ mahčymyja pieramovy z Ukrainaj i zajaviŭ, što Rasija nie źbirajecca admaŭlacca ad zavajoŭ
Abvał niepaźbiežny? Rasijskaja armija niasie hihanckija straty: 1175 viadomych imion zabitych tolki za dva tydni
Kamientary
NATa nie moža ŭmiešvacca, zbroja daje nie NATa. a ŭrady krain, jakija ŭ 2022 damovilisia pastaŭlać zbroju.