U Hienštabie patłumačyli, u jakich uzbrojenych kanfliktach krainu buduć pieravodzić na «vajskovyja rejki», a ŭ jakich nie
Kłasifikacyja kanfliktaŭ dazvalaje pravilna reahavać na ryzyki, vykliki i pahrozy, patłumačyŭ u efiry STB namieśnik načalnika Hienieralnaha štaba pa navukovaj rabocie Uzbrojenych Sił Biełarusi Viktar Tumar.
Pavodle Tumara, vajskovy kanflikt uklučaje ŭ siabie ŭzbrojeny kanflikt.
Uzbrojeny kanflikt moža być miždziaržaŭny i ŭnutrany.
A byvaje vajna — miždziaržaŭnaja i kaalicyjnaja. Heta ŭžo sacyjalnaja bujnaja zjava, kali buduć zadziejničany ŭsie siły dziaržavy dla adbićcia niepasredna ahresii, kaža Tumar.
«Uzbrojeny kanflikt možna razhladać jak peŭny incydent, jaki treba kupiravać u tym ci inšym miescy», — tłumačyć jon.
Pavodle jaho, kožny ŭzbrojeny kanflikt — nastupny ŭzrovień vyciakaje z papiaredniaha. Ale «mahčyma takoje, što moža pieraskokvać u ramkach chutkaj eskałacyi abstanoŭki».
«I voś hetaja kłasifikacyja dazvalaje nam pravilna reahavać na ryzyki, vykliki i pahrozy. Pry hetym pravilna raźmiarkoŭvać siły i nie ŭciahvać dziaržavu adrazu ž: nie stavić ekanomiku na vajskovyja rejki, nie ładzić niejkich mabilizacyj, a kupiravać svoječasova i pravilna. Efiektyŭna vykarystoŭvać siły i srodki Uzbrojenych Sił», — patłumačyŭ Tumar.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami66
Kamientary