«Maci ŭsich źlivaŭ». Adbyłasia samaja bujnaja ŭciečka asabistych danych u historyi, jakaja zakranuła i Biełaruś
Biesprecedentnaja chakierskaja ataka pryviała da straty zvyš 26 miljardaŭ elektronnych listoŭ, telefonnych numaroŭ, fatahrafij i ŭlikovych zapisaŭ z bujnych sacsietak (Twitter, Telegram, Linkedin i inš.), internet-servisaŭ (Adobe, Gmail, Canva i inš.) i ŭradavych arhanizacyj pa ŭsim śviecie. Pad udar trapili i biełaruskija damieny.
Daśledčyja kamandy pa kibierbiaśpiecy z partałaŭ SecurityDiscovery i Cybernews vyjavili hihanckuju ŭciečku asabistych danych pa ŭsioj płaniecie, jakaja składaje 12 terabajt infarmacyi i achoplivaje zvyš 26 miljardaŭ fajłaŭ asabistych danych (email, numary telefonaŭ, ulikovyja zapisy, fatahrafii i inšaje). Bolšaść ź ich źjaŭlajucca kanfidencyjnymi.
Śpiecyjalisty prazvali ŭciečku «Maci ŭsich źlivaŭ» i adznačyli, što jana «amal dakładna» źjaŭlajecca najbujniejšaj u historyi.
Jak piša Cybernews, uciečka zakranuła sotni roznych sacsietak i internet-resursaŭ, uklučajučy sajty ŭradavych arhanizacyj mnohich krain, takich jak ZŠA, Hiermanija, Turcyja, Filipiny, Brazilija i inš.
«Hetaja ŭciečka — nadzvyčaj niebiaśpiečnaja, pakolki złačyncy mohuć vykarystać vykradzienuju infarmacyju dla šyrokaha śpiektru napadaŭ, uklučajučy kradziež asabistych danych, składanyja fišynhavyja schiemy, metavyja kibierataki i niesankcyjanavany dostup da asabistych i kanfidencyjnych hrašovych rachunkaŭ», — papiaredzili daśledčyki, padkreśliŭšy, što ŭzłomščyki pakul nie identyfikavanyja.
Najbolš paciarpiełaj ad uciečki, pavodle Cybernews, źjaŭlajecca bujnaja kitajskaja sacsietka Tencent QQ, jakaja straciła paŭtara miljarda fajłaŭ asabistych danych karystalnikaŭ.
U tym liku pad udar trapili takija internet-resursy, jak:
- Weibo (504 młn. fajłaŭ);
- MySpace (360 młn. fajłaŭ);
- Twitter (281 młn. fajłaŭ);
- Deezer (258 młn. fajłaŭ);
- Linkedin (251 młn. fajłaŭ);
- AdultFriendFinder (220 młn. fajłaŭ);
- Adobe (153 młn. fajłaŭ);
- Canva (143 młn. fajłaŭ);
- «UKantakcie» (101 młn. fajłaŭ);
- Daily Motion (86 młn. fajłaŭ);
- Dropbox (69 młn. fajłaŭ);
- Telegram (41 młn. fajłaŭ);
Akramia taho, chakierskaja ataka zakranuła i try biełaruskija damieny. Heta sundays.by (sajt biełaruskaha pastaŭščyka tavaraŭ dla pobytu i adpačynku), obana.by (užo niaisny sajt aŭkcyjonu tavaraŭ sa Skandynavii) i tuts.by (takoha sajtu taksama nie isnuje, adnak daśledčyki mahli pamylicca i dadać lišniuju litaru da nazvy razhromlenaha siłavikami bujnoha partała Tut.by, čyj novy ŭładalnik dahetul nieviadomy).
Poŭny śpis paciarpiełych internet-resursaŭ možna znajści ŭ kancy artykuła Cybernews.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?21
Kamientary