Polski futbolny kłub admoviŭsia ad zboraŭ u Turcyi, kab nie padstaŭlać biełarusaŭ
Polski kłub «Zahlembie» z druhoha dyvizijona, hałoŭnym trenieram jakoha niadaŭna staŭ biełarus Alaksandr Chackievič, admoviŭsia ad raniej zapłanavanych zboraŭ u Turcyi «z palityčnych pryčyn». Kiraŭnictva kłuba paličyła, što pajezdka ŭ Turcyju moža być niebiaśpiečnaj dla biełarusaŭ i tam jany mohuć być zatrymanyja, paviedamlaje Most na padstavie paviedamleńniaŭ polskaj presy.
Akramia Alaksandra Chackieviča, u skład «Zahlembie» z horada Sasnoviec u jakaści spartyŭnaha dyrektara ŭvachodzić inšy biełarus — Michaił Zaleŭski.
Staršynia praŭleńnia «Zahlembie» Arkadyjuš Alaksander adznačyŭ, što kiraŭnictva aścierahajecca zatrymańnia trenierskaha štaba na miescy praviadzieńnia zboraŭ, i ŭ hetym pytańni byli kansultacyi z polskaj ambasadaj.
Jašče adnoj pryčynaj, ź jakoj kłub admoviŭsia ad pajezdki ŭ Turcyju, staŭ finansavy składnik. Novy akcyjanier kłuba Rafał Kolinz daŭ zrazumieć, što pajezdka ŭ Turcyju finansava abciažaryć kłub, jakomu i tak davodzicca sačyć za kožnaj kapiejkaj, inviestujučy ŭ pieršuju čarhu ŭ svaich hulcoŭ.
Alaksandr Chackievič raniej nieadnarazova vykazvaŭsia suprać ahresii Rasii va Ukrainie i hvałtu ŭ Biełarusi ŭ 2020 hodzie.
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary