Łukašenka skazaŭ, što nie chacieŭ iści na hetyja vybary, ale na jaho nakinułasia Kačanava
Alaksandr Łukašenka, jaki bolš za 30 hadoŭ trymaje ŭładu ŭ Biełarusi, raspavioŭ, što hetym razam zusim nie chacieŭ iści na vybary.
Łukašenka skazaŭ, što jamu navat niajomka było ŭžo iści na siomyja vybary ŭ svaim žyćci.
«Što tyčycca tryccataha hoda, bo my ŭsie vydatna razumiejem, što ja nie viečny, i voś na złobu ja vam mahu skazać <…> Ja nie chacieŭ iści na vybary. Nie chacieŭ. I niekalki miesiacaŭ tamu (miesiacy try ci čatyry tamu) na apošnim pasiadžeńni Rady Biaśpieki, siarod ludziej, jakija vyrašali heta, ja pra heta skazaŭ.
Chłopcy, nu, kolki možna ŭžo, nu 30 hadoŭ, čysta vonkava navat niejak nieprystojna. Ja ŭžo siabie nie ŭ svajoj talercy adčuvaju», — raspavioŭ Łukašenka, jak jon nibyta 3-4 miesiaca nazad zajaviŭ Radzie Biaśpieki, što bolš nie choča.
Ale tut padniałasia Kačanava.
«Jana pieršaja padniałasia. Ja jaje takoj nikoli nie bačyŭ. Jak tak? Vy što, nas kidajecie? Vy sychodzicie? My nie hatovyja siońnia, kažuć. My nie hatovyja siońnia bačyć inšaha kandydata.
Ja kažu, nu vy nie hatovyja, chaj narod vyłučaje. Nie. I pajšło-pajechała. Usio, ja zdymaju hetaje pytańnie. <…>
Ja ŭsio heta razumieju, ale ja ŭžo navučyŭsia adroźnivać ščyraje ad niaščyraha, i ja bačyŭ, što ludzi kažuć ščyra, tamu ŭsio, ja ŭžo začyniŭsia», — raskazaŭ Łukašenka.
Ciapier čytajuć
Minčuk zabiŭ maci i cieścia, a paśla 15 hadoŭ atrymlivaŭ za ich piensiju1
Kamientary
A v niem Mudiŝiev
Opiať nam skazki hovorił...