Kiroŭcu ŭ izalatar, furu na štrafplacoŭku. Dalnabojščyki — pra pravierki i zatrymańni na miažy
Dniami źjaviłasia infarmacyja pra toje, što ŭ vyniku pravierak telefonaŭ na miažy zatrymali kala 20 dalnabojščykaŭ. Kiroŭcy fur, ź jakimi parazmaŭlała «Naša Niva», raskazvajuć, što pierad vybarami pravierki stali bolš strohimi.
Adzin z surazmoŭcaŭ «Našaj Nivy», jaki pracuje na fury, sutykaŭsia z hutarkaj i pravierkaj telefona pry ŭjeździe ŭ Biełaruś jašče paŭtara hoda tamu. Tady praviarali randomnym čynam: mužčyna ni ŭ jakich bazach być nie moža, pakolki nikoli nie pryciahvaŭsia da adkaznaści pa palityčnych spravach.
Ale pry apošnim pierasiačeńni miažy ŭ jaho choć i nie brali telefon na pravierku, ale maksimalna pilna pravieryli ŭsie rečy ŭ kabinie. U tym liku z sabakam i mietałašukalnikam.
Inšy kiroŭca adznačaje, što zvyčajna dalnabojščykaŭ asabliva mocna nie dahladali, a na hutarki i pravierki telefonaŭ, jak praviła, vadzili «ekstremistaŭ». Ale apošnim časam situacyja źmianiłasia, i pravierki pierastali być redkaściu, u tym liku dla tych, chto nidzie nie zaśviaciŭsia.
Pa słovach adnaho z surazmoŭcaŭ, častku ciapierašnich zatrymanych kiroŭcaŭ da suda adpravili ŭ izalatar (raniej za padpiski na niezaležnyja kanały ci reposty adtul dalnabojščykaŭ asabliva nie čapali). Furu pry hetym pakinuli na štrafstajancy, tamu ŭ takich vypadkach prablemy ŭźnikajuć nie tolki ŭ kiroŭcy, ale i va ŭłaśnika transpartu, jakomu nieabchodna terminova znajści inšaha čałavieka na miesca zatrymanaha.
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA27
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary