HUBAZiK zatrymlivaŭ tyktokierku, jakaja ŭ 2022-m paŭdzielničała ŭ antyvajennym mitynhu ŭ Maskvie
«Pravaachoŭnaja sistema sajuznaj dziaržavy pracuje biez asiečak», — pramaŭlajecca ŭ videa, jakoje Ksieniju Maruk zmusili apublikavać hubazikaŭcy.
Siońnia ŭ tyktok-akaŭncie 31-hadovaj błohierki Ksienii Maruk źjaviłasia videa, na roliku jana znachodzicca ŭ kabiniecie HUBAZiK.
Dziaŭčyna raspaviadaje, što niekali paŭdzielničała ŭ antyvajennaj akcyi ŭ Maskvie i była zatrymanaja miascovymi siłavikami. Paśla taho, jak jana viarnułasia ŭ Biełaruś, jaje zatrymali hubazikaŭcy, kab «razabracca, što adbyłosia». Imavierna, taja antyvajennaja akcyja adbyłasia jašče ŭ 2022-m — za apošnija hady ŭ akaŭncie Ksienii niama anijakich zhadak akcyjaŭ abo zatrymańni, choć jana viadzie sacsietki rehularna.
«Pravaachoŭnaja sistema sajuznaj dziaržavy pracuje biez asiečak», — taki podpis u videa, jaki źmiaściła dziaŭčyna z kabinieta HUBAZiK.
Ksieniju ŭžo zatrymlivali ŭ lutym 2023-ha za roliki, pryśviečanyja PVK «Rodan». Tady jaje taksama zmusili zapisać videa i adpuścili.
U tyktoku Maruk bolš za 500 tysiačaŭ padpisantaŭ, u instahramie — niekalki tysiačaŭ.
Nahadajem, Rasija — heta niebiaśpiečnaja kraina dla biełaruskich aktyvistaŭ. Biełarusaŭ, jakija ŭdzielničali ŭ pratestach abo pakidali «pratesnyja» kamientary, rehularna tam zatrymlivajuć i departujuć u Biełaruś.
«Naša Niva» — bastyjon biełaruščyny
PADTRYMAĆSiarod zatrymanych pa spravie pažaru ŭ viciebskim handlovym centry, vierahodna, jahony ŭładalnik2
Kamientary
https://nashaniva.com/335421