Prakuratura Frunzienskaha rajona Minska zaviaršyła śledstva pa spravie kinarežysiora Alaksieja Turoviča.
Najbližejšym časam jana budzie nakiravanaja ŭ sud.
Alaksieju Turoviču pradjaŭlena abvinavačvańnie va ŭčynieńni złačynstvaŭ, praduhledžanych č. 2 art. 167 Kryminalnaha kodeksa (hvałtoŭnyja dziejańni sieksualnaha charaktaru ŭ dačynieńni da zaviedama niepaŭnaletniaha), art. 168 KK (pałavyja znosiny i inšyja dziejańni sieksualnaha charaktaru z asobaj, jakaja nie dasiahnuła šasnaccacihadovaha ŭzrostu) i č. 1 art. 169 KK (raspusnyja dziejańni ŭ dačynieńni da asoby, jakaja nie dasiahnuła šasnaccacihadovaha ŭzrostu).
Pa spravie ŭ jakaści paciarpiełych prachodziać šeść chłopčykaŭ.
Kryminalnaja sprava ŭ dačynieńni da Alaksieja Turoviča była raspačataja 4 listapada 2009 hoda.
Ustanoŭlena, što raspusnyja dziejańni ŭ dačynieńni da chłopčykaŭ jon učyniaŭ ź lutaha 2007 hoda pa krasavik 2009 hoda.
0
0
0
0
0
0
