U Biełarusi stvorany novy respublikanski bijałahičny zakaźnik Amhovicki

Jak paviedamlaje aficyjny interniet‑sajt Saŭmina, adpaviednaje rašeńnie ŭtrymlivajecca ŭ pastanovie ŭrada № 1694, jakaja nabyła moc 1 studzienia 2010 hoda.

Zakaźnik raźmieščany na terytoryi Puchavickaha i Staradarožskaha rajonaŭ Minskaj vobłaści, jaho ahulnaja płošča — 2 tys. 556,8 hiektara.

Zakaźnik sfarmavany dla zachavańnia ŭ naturalnym stanie kaštoŭnych pryrodnych kompleksaŭ, dzikich žyvioł i dzikarosłych raślin, jakija adnosiacca da vidaŭ, uklučanych u Čyrvonuju knihu Biełarusi, a taksama ich miescaŭ žycharstva i rostu.

Na terytoryi zakaźnika zabaraniajecca praviadzieńnie prac pa hidratechničnaj mielijaracyi i prac, źviazanych sa źmianieńniem isnujučaha hidrałahičnaha režymu. Vyklučeńnie składajuć ramontna‑ekspłuatacyjnyja pracy pa zabieśpiačeńni funkcyjanavańnia mielijaratyŭnych sistem. Zabaroniena pramysłovaja narychtoŭka dzikarosłych raślin i źniščeńnie ci paškodžańnie drevava‑kustoŭnikavaj raślinnaści. Vyklučeńnie składajuć vypadki, kali heta źviazana z vykanańniem lesahaspadarčych i sielhasprac, prac pa achovie i abaronie lasnoha fondu, a taksama mierapryjemstvaŭ pa rehulavańni raspaŭsiudžvańnia i kolkaści čužarodnych vidaŭ dzikich žyvioł i dzikarosłych raślin.

Zabaroniena taksama spalvańnie parubkavych reštkaŭ draŭniny, jakaja narychtoŭvajecca, pry praviadzieńni lesasiečnych prac; prymianieńnie chimičnych srodkaŭ achovy raślin i minieralnych uhnajeńniaŭ; rubki lesu hałoŭnaha karystańnia; raźmiaščeńnie adchodaŭ. Vyklučeńnie składaje zachoŭvańnie adchodaŭ u sankcyjanavanych miescach časovaha zachoŭvańnia da ich pieravozki na abjekty zachavańnia. Akramia taho, zabaraniajecca raźviadzieńnie vohniščaŭ; raźmiaščeńnie pałatak ci pałatačnych haradkoŭ, inšych miescaŭ masavaha adpačynku, stajanak transpartu pa‑za miescami, ustanoŭlenymi miascovymi vykanaŭčymi i rasparadčymi orhanami.

Paśla ŭzhadnieńnia ź Ministerstvam pryrodnych resursaŭ i achovy navakolnaha asiarodździa na terytoryi zakaźnika buduć vykonvacca pracy pa vypalvańni suchoj raślinnaści, tryśniahu, čarotu i inšych zaraśnikaŭ dzikarosłych raślin; pa zabieśpiačeńni funkcyjanavańnia mielijaracyjnych sistem i raspracoŭcy radoviščaŭ karysnych vykapniaŭ. Uzhadnieńnie Minpryrody nieabchodna taksama dla rehulavańnia čužarodnych vidaŭ dzikich žyvioł i raślin.

Finansavańnie prac u zakaźniku budzie ažyćciaŭlacca z fondaŭ achovy pryrody i inšych krynic, nie zabaronienych zakanadaŭčymi aktami.

• 0
• 0
• 0
• 0
• 0
• 0
• 0
• 0