Dziasiatki rybakoŭ sabralisia pobač z ahraharadkom Śvisłač na nievialikaj zatocy adnajmiennaj raki, paviedamlała vydańnie Newgrodno. Uvieś lod tam byŭ u łunkach-dzirkach.
Takoje rybałoŭstva vyklikała šyrokaje abmierkavańnie ŭ internecie, i nie ŭsie kamientatary aceńvali jaho stanoŭča. Chtości asudžaŭ rybakoŭ za toje, što jany nie dumajuć pra biaśpieku, chtości nazyvaŭ ich «hałodnymi».
Sami ž rybaki nazyvali situacyju całkam zvyčajnaj. Maŭlaŭ, bližej da viasny ryba pačynaje aktyŭna pieramiaščacca pa akvatoryi rek i časta zachodzić u takija zatoki, jakija złučajucca z rakoj. Akramia taho, lod na takich zatokach, jak praviła, maje dastatkovy zapas tryvałaści, što robić padobnuju rybałku biaśpiečnaj u paraŭnańni z rybałkaj na samoj race.
Ale paśla sychodu rybakoŭ vyjaviŭsia i jašče adzin bok prablemy. Adzin z karystalnikaŭ tyktoka naviedaŭsia tudy ŭ budny dzień i zaŭvažyŭ, što rybakoŭ na lodzie ciapier amal niama, a voś śmiećcia paśla ich — hory. Valajucca na lodzie i butelki, i anučy, i niedakurki, i navat miortvaja ryba. Paśla rastavańnia lodu ŭsio heta śmiećcie apyniecca na dnie vadajoma, što, viadoma, nie lepšym čynam adabjecca na ekałohii.
Mužčyna chodzić pa lodzie z pakietam, źbiraje śmiećcie i zdymaje ŭsio, što adbyvajecca, na videa.
Čytajcie taksama:
U biełaruskich vadajomach stała masava dochnuć papularnaja ryba. U čym pryčyna?
Z dyrektaram rybakansiervavaha kambinata «Staličny» zapisali pakajannaje videa
Pjany rybak paspračaŭsia, što dojdzie da Minska pieššu 50 km. I prajhraŭ
