«Pieršy kanał» u pieršym błoku navin paśla paviedamleńnia ab śmierci Alaksieja Navalnaha raspavioŭ ab tym, što zdaryłasia, tolki siomaj navinoj. Važniejšaj dla fiederalnaha kanała akazalisia pajezdka Uładzimira Pucina ŭ Čalabinsk, situacyja na vajnie va Ukrainie i dastaŭka dronaŭ na front, paviedamlaje «Ahienctva».
Viadučy padčas vypusku a 15:00 tolki pierakazaŭ pres-relizy Fiederalnaj słužby vykanańnia pakarańniaŭ i SK ab śmierci Navalnaha.
Pieršaj navinoj vypusku stała pajezdka Pucina ŭ Čalabinsk.
Važniejšymi za śmierć Navalnaha taksama byli: zvarot Pucina da ŭdzielnikaŭ forumu prychilnikaŭ baraćby ź nieakałanijalizmam «Za svabodu nacyi», situacyja na vajnie va Ukrainie, dastaŭka dronaŭ na front, uznaharodžańnie vajennych dziaržuznaharodami, kamientar MZS Rasii ab udary pa Enieradary, kamandziroŭka Mikałaja Patrušava ŭ Biškiek.
Akramia taho, pra śmierć Navalnaha ŭ efiry kanała taksama koratka paviedamili padčas šou «Vialikaja hulnia», jakoje išło da vypusku navin.
Na «Rasii 1» u momant paviedamleńnia ab śmierci palityka išoŭ vypusk navin ad 14:00. Niahledziačy na heta, viadučy ničoha nie skazaŭ pra toje, što adbyłosia.
Važniej dla kanała akazalisia naviny pra vajnu va Ukrainie, «zatrymańnie dyviersantaŭ» u Biełarusi, pajezdka Patrušava ŭ Biškiek, padjom u pavietra novaha bieśpiłotnika, spravazdaču ministra pracy ab roście zarobkaŭ rasijanaŭ, a taksama anons telešou «Nu ŭsio razam choram». Paśla hetaha na kanale pakazali naviny rehijonaŭ.
UFSIN pa Jamała-Nienieckaj akruzie paviedamiła pra śmierć Navalnaha ŭ 14:19. Paźniej pres-sakratar prezidenta Dźmitryj Piaskoŭ paćvierdziŭ heta. Paplečniki Alaksieja Navalnaha paviedamili, što ŭ ich niama infarmacyi, jakaja paćviardžaje śmierć palityka.
Čytajcie taksama:
U kałonii raptoŭna pamior Alaksiej Navalny
Piaskoŭ paviedamiŭ, što ŭ Kramla niama infarmacyi pra pryčyny śmierci Navalnaha
U kamandzie Navalnaha zajavili, što nijakich paćviardžeńniaŭ śmierci palityka ŭ ich niama
«Pucin trymaŭsia, kali jamu raskazali pra śmierć Navalnaha» — «Kommiersant»
Chrysta Hrozieŭ pra śmierć Navalnaha: «Jon urešcie byŭ zabity Pucinym siońnia»
Jak ciapier vyhladajuć hałoŭnyja staronki suśvietnych miedyja
Cichanoŭskaja: Niama sumnievaŭ u tym, što Navalnaha metanakiravana zabiŭ pucinski režym
«Vidavočna, jon zabity Pucinym» — Zialenski adreahavaŭ na śmierć Navalnaha
Deputatam Dziarždumy zabaranili kamientavać paviedamleńnie ab śmierci Navalnaha
