U Vilni ŭ piatnicu pačaŭsia trochdzionny mižnarodny paetyčny fiestyval «Vieršy na asfalcie». Učora było abvieščana imia łaŭreata Litaraturnaj premii imia Michasia Stralcova za 2023 hod.
Im staŭ paet Usievaład Ścieburaka z farmuloŭkaj: «Za raźvićcio i zachavańnie nacyjanalnych litaraturnych tradycyj, za admietny stylistyčna-intanacyjny ład liryki, za mastackuju vymaloŭku kanceptu histaryčnaj pamiaci», paviedamlaje ŭ svaim telehram-kanale «Supołka biełaruskich piśmieńnikaŭ».
Zhodna sa statutam premii, hałoŭnym pryzam dla łaŭreata stanovicca vydańnie knihi vybranaha — sioleta heta kniha Usievałada Ścieburaki «Biełaruskija zorki», u jakuju ŭvajšli novyja i najlepšyja vieršy, pierakłady, proza i ese aŭtara.
Litaraturnaja premija imia Michasia Stralcova ŭručajecca žury na čale z Alenaj Stralcovaj (udavoj piśmieńnika) z 2018 h. Jaje łaŭreatami stali: Aleh Minkin, Anchieła Eśpinosa Ruis, Anatol Viarcinski, Nasta Kudasava, Antanina Chatenka, Juraś Paciupa.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary