«Zajšoŭ nie ŭ tyja dźviery». Śpiavak Saša Niema raskazaŭ, čamu jaho prybrali z afiš
«Rana ci pozna ŭ kožnaha artysta minaje faza papularnaści i aktyŭnaj tvorčaj dziejnaści. Ale heta tady, kali jon vypracavaŭ svoj resurs. U maim vypadku — «zajšoŭ nie ŭ tyja dźviery» abo zaviali…» — napisaŭ u instahramie śpiavak Saša Niema. I zadaŭsia fiłasofskim pytańniem: «Pierakur ci mianie zmyła z afiš nazaŭždy?»
Artyst dadaŭ, što prajšoŭ čas, kali jamu było baluča i kryŭdna. Saša Niema spadziajecca, što jašče niekali vierniecca. A ciapier jaho całkam usio navokał zadavalniaje.
— Ja vyklučyŭ lubyja naviny ź lubych krynic hady dva tamu i ŭ mianie źjaviŭsia realny šaniec acanić abstanoŭku bieź mierkavańnia zvonku… Tam vialikaja i vielmi žorstkaja infarmacyjnaja vajna, na žal. Taki čas. Tamu ja aceńvaju realnyja padziei vyklučna z navakolnaha asiarodździa i ludziej. Mianie heta zadavalniaje. Spadziajusia, mnie nie treba budzie tłumačyć i razžoŭvać toje, što ja napisaŭ vyšej! Bieražycie siabie i majcie svaje mazhi i hałavu na plačach, kab nie było jak tady! Ja vas usich vielmi lublu.
Siarod inšych, śpiavak dadaŭ cheštehi #biełaruś #2020 #vysnova.
Niejkimi sumnymi atrymalisia i jaho storys, niahledziačy na toje, što na videa Saša Niema paśmichajecca. Artyst raspavioŭ, jak učora zabyŭ sumku ŭ samalocie, i potym abchodnym šlacham viartaŭsia za joj.
— Dziaŭčatki, jakija prybirali sałon, mianie paznali: «Vy śpiavak z televizara». Ja kažu: «Ja ŭžo nie z televizara, mianie adtul vyhnali».
Na pytańnie, čamu, śpiavak adkazaŭ: «Tamu, što ja drenna siabie pavodziŭ». Na heta dziaŭčaty skazali, što dazvalajuć artystu viarnucca ŭ televizar.
U žniŭni 2020-ha Saša Niema paviedamlaŭ, što jaho zatrymlivali. Tady jon napisaŭ: «Padrabiaznaściaŭ nie budzie… žorstka, adnym słovam… asabistyja rečy, klučy ad kvatery, pašpart ja dahetul nie mahu zabrać, choć było dźvie sproby».
Što za studentka Uljana, ź jakoj na bali valsiravaŭ Łukašenka?9
Kamientary
Dva hady nazad adłučyli ad biudžetnaj karmuški, pabudavaŭ chatu z kraju , zaraz usio zadavalniaje, čakaju kab iznoŭ možna było b roški siorbać ź biudžetu.