Hramadstva1212

Byŭ zatrymany Dzianis Kurjan. A Bond i Hrybalovaj zabaranili zajmacca prafiesijaj

Praciahvajucca palityčna matyvavanyja zatrymańni miedyjapierson. «Našaj Nivie» stali viadomyja niekatoryja detali taho, što ad ich patrabujuć. 

Fota: sacsietki

Jak stała viadoma «Našaj Nivie», byŭ zatrymany televiadoŭca i šoŭmien Dzianis Kurjan. 

Ci adbyŭ jon administracyjny aryšt, ci zatrymańnie było karotkaterminovym, my nie viedajem. Zdaryłasia heta minimum tydzień tamu.

Kurjan raniej pracavaŭ na BT i ANT. Ciapier — błohier i viadoŭca mierapryjemstvaŭ, zajmajecca biznesam (naprykład, maje sietku blinnych).

Paśla vychadu materyjała na sajcie ŭ instahramie Dzianisa Kurjana źjaviłasia jaho fota z žonkaj i podpisam «Kachaju i ŭsio tut»

Nahadajem, što raniej paviedamlałasia pra zatrymańnie błohierki i televiadoŭcy Hanny Bond i śpiavački Łarysy Hrybalovaj.

Adzin z klijentaŭ błohieraŭ raskazaŭ «Našaj Nivie», što ad usich zatrymanych zapatrabavali spynić miedyjnuju aktyŭnaść i biznes. Toje samaje niezaležna ad jaho raspavioŭ adzin z supracoŭnikaŭ dziaržaŭnych ŚMI.

Treba adznačyć, što ŭ instahramach Kurjana i Hrybalovaj, u jakich dziasiatki tysiač fałovieraŭ, užo z tydzień nie źjaŭlajecca nijakich publikacyj. 

Hanna Bond z momantu vyzvaleńnia apublikavała niekalki storyz. Ale repartažaŭ, zamalovak, žartaŭ ci rekłamy — taho tradycyjnaha kantentu, jaki byŭ u jaje raniej, u jaje nie źjaŭlajecca. 

Pra toje, što adnosiny «na paŭzie», paćvierdziŭ i markietołah adnoj ź vialikich pryvatnych kampanij, jakaja raniej raźmiaščała zamovy ŭ błohieraŭ. 

«Ludziam, jakija žyvuć u Biełarusi, praściej zabaranić brać rekłamu, čym karparacyjam z zamiežnymi ŭładalnikami zabaranić davać rekłamu», — patłumačyŭ jon. 

Infarmavanaja krynica «Našaj Nivy» ŭ adnym ź dziaržaŭnych ŚMI patłumačyła ataku na miedyjapierson i błohieraŭ namieram previentyŭna abmiežavać ich papularnaść. Ułady, pa słovach krynicy, chočuć pierastrachavacca, chočuć, kab u krainie prosta nie było papularnych publičnych asobaŭ, adnosna niezaležnych ad režymu.

«Niezaležnyja ŚMI zabaronienyja. A ŭ błohieraŭ unutry krainy padpiski rastuć. Nu i što z taho, što ŭ ich niama palityčnaha kantentu. Ciapier jany admaŭlajucca supracoŭničać z telebačańniem. A jak jany paviaduć siabie ŭ budučyni? Niejkaja takaja dumka kruciłasia ŭ našaha kiraŭnictva», — patłumačyła «Našaj Nivie» krynica ŭ dziaržaŭnym ŚMI. 

Tamu chočuć pakidać tolki łajalnych błohieraŭ, jakija supracoŭničajuć ź milicyjaj i telekanałami, typu Hruździevych.

Čytajcie taksama: 

Usio narmalna, mama? Piać faktaŭ pra Łarysu Hrybalovu

Źnikła Hanna Bond. Imavierna, jana zatrymanaja

Błohierka Hanna Bond siońnia vyjšła na volu

Kamientary12

  • Vierojatnyj
    08.11.2023
    [Red. vydalena]
  • Hańba
    08.11.2023
    A tyja j rady staracca. Zaŭtra skažuć z hołym zadam pierad łukoj tančyć - pabiahuć.
  • JANKA
    08.11.2023
    📕 «... patłumačyŭ jon.» Dalej «krynica ... patłumačyła». I ŭ nastupnym abcacy znoŭ «patłumačyła krynica». Dy dajcie chtości im ... słoŭnik(am) sinonimaŭ❗
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu21

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Usie naviny →
Usie naviny

Dziaŭčyna pakazała katoŭ, jakija žyvuć la chrama na Hrodzienščynie3

Aramatyčnyja śviečki takija ž škodnyja, jak vychłapnyja hazy aŭtamabilaŭ

Syn Trampa zaklikaŭ «nie tykać cmoka ŭ voka»2

Tramp skazaŭ, što situacyja va Ukrainie patrabuje vybaraŭ, bo Zialenski nibyta maje 4% padtrymki26

Aryštavany prahramist z «Atłanta». Jamu pahražaje da 12 hadoŭ za palityku3

Tramp zajaviŭ, što Rasija choča «spynić hetaje dzikunstva», a va Ukrainy «było try hady, kab sieści za stoł pieramoŭ»23

Płan Trampa pa Ukrainie — najhoršy. Za vyklučeńniem usich astatnich — Rudkoŭski20

Stan papy Franciška pahoršaŭ, u jaho dvuchbakovaja pnieŭmanija3

Pamior Pavieł Rudzienia — nieviduščy radyjoviadučy ź Minska

bolš čytanych navin
bolš łajkanych navin

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu21

Špakoŭski daŭ zrazumieć, što znakavych palitviaźniaŭ mohuć vyzvalić pry ŭmovie vyjezdu za miažu

Hałoŭnaje
Usie naviny →

Zaŭvaha:

 

 

 

 

Zakryć Paviedamić