Biełaruskamoŭnaha ajcišnika z EPAM asudzili na drakonaŭski termin za danaty
Sud skončyŭsia jašče ŭ minułym hodzie, ale asobu Vitala Krasnova atrymałasia vyśvietlić tolki ciapier.
Mužčynu kličuć Vital Krasnoŭ, jamu 35 hadoŭ. Minčuk. Pra siabie Vital raspaviadaŭ, što prahramuje z 2008 hoda, zajmajecca frontendam. Apošnim miescam pracy Vitala paznačany EPAM. Tam jon byŭ raspracoŭščykam.
Adno z chobi mužčyny — kampjutarnyja hulni. Jon stvaryŭ i da zatrymańnia abnaŭlaŭ sajt pa hulni NewWorld, a taksama prajekt pra raspracoŭku ŭ Roblox.
Admietna taksama, što sajt-reziume mužčyny całkam biełaruskamoŭny. Vykarystoŭvaŭ jon biełaruskuju i ŭ sacsietkach.
Imavierna, jaho zatrymali ŭ žniŭni 2023-ha — tady pierastali abnaŭlacca jahonyja resursy. Sud nad Vitalom skončyŭsia 29 śniežnia 2023. Chłopca vinavacili pa dvuch artykułach: finansavańnie ekstremisckaj dziejnaści i «finansavańnie vajny», imavierna, za achviaravańni na dapamohu Ukrainie. Mužčynie pahražała ad piaci da dziesiaci hadoŭ kałonii. Dakładny prysud nieviadomy.
1 sakavika ŭ jaho prachodzić apielacyja.
«Naša Niva» — bastyjon biełaruščyny
PADTRYMAĆ
Kamientary