Čynoŭnik Minsportu vypadkova raskrytykavaŭ stan spraŭ u biełaruskim sporcie
Pieršy namieśnik ministra sportu i turyzmu Alaksandr Darachovič prakamientavaŭ čaćviarhovuju naradu ŭ Łukašenki, pryśviečanuju stanu spraŭ u biełaruskim sporcie, ale niešta pajšło nie tak.
«[Łukašenka] čarhovy raz kaža vidavočnyja rečy, jakija my sami pavinny razumieć i daŭnym-daŭno vykonvać. Na žal, na miescach heta niechta, moža, jašče nie pačuŭ. My pavinny raścić svaich spartoŭcaŭ, i jany pavinny damahacca pośpiechaŭ. Na heta z zapasam vydzialajucca dziaržaŭnyja resursy», — cytujuć Alaksantra Darachoviča «Vićbičy».
Zatym Alaksandr Darachovič vyrašyŭ pravieści paraleli pamiž padrychtoŭkaj biełaruskich i zamiežnych spartoŭcaŭ.
«Siońnia kali paraŭnać Biełaruś i niekatoryja krainy, jakija nas aktyŭna krytykujuć, to tam hrošy, u tym liku na futboł i zusim nie vydzialajucca. Hulcy (u niedružalubnych krainach — NN) pracujuć, a ŭ volny čas trenirujucca».
«Taksama za svaje hrošy jany jeździać na spabornictvy. I pry hetym, časam, pakazvajuć bolš lepšyja vyniki, čym našy spartoŭcy, jakija znachodziacca na poŭnym dziaržaŭnym zabieśpiačeńni», — pryjšoŭ da niečakanaj vysnovy namieśnik ministra.
Čytajcie taksama:
Łukašenka nazvaŭ vystupy biełaruskich futbalistaŭ ničoha nie vartymi
Vy nie pavierycie, kim akazaŭsia «vypadkovy» bajanist na vakzale, jaki śpiavaŭ pra Łukašenku22
Kamientary