«Jeŭrapiejski sajuz stavić zadaču admieny ŭ budučyni vizavaha režyma pamiž ES i Rasijaj» – zajaviŭ u aŭtorak kiraŭnik MZS Ispanii, jakaja zaraz staršyniuje ŭ ES, Mihiel Maracinas na pres-kanfierencyi ŭ Maskvie paśla pieramovaŭ z rasiejskim kaleham Siarhiejem Łaŭrovym.
«Ispanija ŭ jakaści staršyni ES biare na siabie abaviazak padrychtavać samit, jaki projdzie 30 traŭnia tut, u Rasii, i pačać pracu, skiravanuju nak ankretnyja vyniki» – adznačyŭ M.Maracinas.
Ispanski ministr padkreśliŭ, što Rasija – pieršaja kraina, jakuju jon naviedvaje ŭ jakaści pradstaŭnika dziaržavy-staršyni. Pa słovach Maracinasa, Ispanija «chacieła b zrabić jašče adzin krok da bolš šyrokaha bačańnia adnosin pamiž Jeŭrapiejskim sajuzam i Rasijaj».
Kiraŭnik MZS Rasii Siarhiej Łaŭroŭ sa svajho boku zaklikaŭ ES vyrazna paznačyć terminy pierachodu da biaźvizavaha režymu i paviedamiŭ, što raźličvaje na prahres pa hetym pytańni ŭ bližejšy čas. Łaŭroŭ padkreśliŭ, što ŭ Maskvie chacieli b «ŭzhadnić peŭnuju, prazrystuju i kankretnuju «darožnuju kartu», jakaja dazvolić ruchacca da hetaj mety».
Pry hetym jon vykazaŭ mierkavańnie, što pierachod na biaźvizavy režym važny dla ŭsiaho jeŭrapiejskaha kantynienta.
«Adzinaja Jeŭropa niemahčymaja biez svabody pieramiaščeńnia», -- pierakanany S.Łaŭroŭ.
Adnak nie ŭsio krainy ES chočuć admieny viz dla rasijcaŭ. U ich padtrymku vystupaje Italija. U śniežni minułaha hoda kiraŭnik MZS Italii Franka Fracini ŭ efiry telekanała Russia Today vykazvaŭ mierkavańnie ab tym, što biaźvizavy režym dla rasiejcaŭ moža być uviedzieny ŭžo ŭ 2010 hodzie.
U svaju čarhu suprać admieny jeŭrapiejskich viz dla rasijcaŭ vystupajuć krainy Bałtyi. U pryvatnaści, Łatvija. A kiraŭnik MZS Estonii Urmas Paet zajaviŭ, što spačatku prava na biaźvizavy režym ź ES pavinny atrymać krainy Uschodniaha partniorstva: Ukraina, Hruzija, Małdova, Biełaruś, Armienija i Azierbajdžan.
Kamientary