Pabačyŭ śviet pieršy numar litaraturnaha biuletenia «Knihanoša».
U sieradu, 13 studzienia, źjaviŭsia na śviet supolny «tvor» Zhurtavańnia biełarusaŭ śvietu «Baćkaŭščyna» i Sajuza biełaruskich piśmieńnikaŭ. Heta litaraturny biuleteń «Knihanoša».
Patreba ŭ takim biuleteni naśpieła daŭno. Viadoma, jak niaprosta svoječasova daviedacca pra novyja knihi. Vydaviectvaŭ dy vydańniaŭ šmat, ale da hetaha času niama adzinaj krynicy infarmacyi pra navinki biełaruskamoŭnaha druku. Miž tym, u Biełarusi vychodzić usio bolš i bolš biełaruskamoŭnaj litaratury. Patrebu ŭ stvareńni padobnaha «knižnaha» biuletenia vykazvali i pradstaŭniki roznych vydaviectvaŭ, i aŭtary, i čytačy.
Kožnaje z pradstaŭlenych u biuleteni vydaviectvaŭ cikavaje i ŭnikalnaje, maje svoj kirunak, svaju admietnaść. Adny drukujuć knihi pa fiłasofii, druhija — mastackuju litaraturu (tvory sučasnych aŭtaraŭ albo kłasikaŭ), trecija papularyzujuć absalutna nieviadomuju čytaču historyju i kulturu biełaruskaha zamiežža, a inšyja vydajuć słoŭniki, daviedniki dy knihi pa historyi Biełarusi.
Biuleteń «Knihanoša» budzie raspaŭsiudžvacca pa hramadskich biblijatekach i biblijatekach pry navučalnych ustanovach pa ŭsioj Biełarusi.
U pieršym numary biuletenia ŭ rubrycy «Aŭtohraf» čytač zmoža pračytać intervju Narodnaha paeta Biełarusi Niła Hileviča, a taksama aznajomicca z apošnimi knižnymi navinkami.
Rasstralanaja litaratura: tvory biełaruskich piśmieńnikaŭ, zahublenych karnymi orhanami balšavickaj ułady; Uładzimir Siŭčykaŭ. Biuvar: Manałohi i dyjałohi; Kapuścinski Ryšard. Imperatar. Padarožžy z Hieradotam, Hilevič; N. Vybranyja tvory ‑‑ voś tolki niekatoryja knihi, pra jakija možna daviedacca, pračytaŭšy pieršy numar «Knihanošy».
Ahułam ža, u pieršym numary biuletenia źmieščana infarmacyja bolš čym pra 40 knih.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary