Adzin z takich prykładaŭ — zabastoŭki fiermieraŭ u Jeŭropie, skarystacca jakimi moža Rasija.
Premjer-ministr Inhryda Šymanicie prakamientavała napad na Leanida Vołkava ŭ Vilni. Jana skazała, što Rasija sprabuje zładzić chaos u Litvie. Adzin z takich prykładaŭ — zabastoŭki fiermieraŭ u Jeŭropie, piša Delfi.lt.
«Ja nie chaču pałochać, niešta admaŭlać, byccam Rasija nie karystajecca nijakimi sposabami dla taho, kab zładzić chaos u Litvie — časta navat tady, kali adbyvajucca niejkija Naturalnyja ŭnutranyja roznahałośsi», — skazała Šymanicie.
«Naprykład, zabastoŭki fiermieraŭ pa ŭsioj Jeŭropie. Heta adna ź lubimych tem rasijskaj prapahandy. Ja nie kažu, što Rasija inicyjuje hetyja pratesty, ale što karystajecca hetaj temaj — niesumnienna», — dadała jana.
Premjer padkreśliła, što jość i takija vypadki, jakija mohuć być źviazanyja sa sprobaj pravakacyj Rasii. Pakolki viadziecca rasśledavańnie, Šymanicie ničoha nie chacieła kamientavać, ale, na jaje dumku, prapahandysty mohuć być źviazanyja z apahańvańniem pomnika kiraŭniku pavajennych litoŭskich partyzan Adolfasu Ramanaŭskasu-Vanahasu. «Bo byŭ apahanieny pomnik Adolfasu Ramanaŭskasu-Vanahasu, byvajuć i takija niepryjemnyja vypadki, chtości na ścienach piša — nieabaviazkova ŭsie hetyja vypadki źviazanyja z Rasijaj, nieabaviazkova pryjezdžyja heta robiać, heta mohuć rabić i tyja, chto znachodzicca ŭ Litvie», — skazała Šymanicie.
«Nam usim važna zastavacca pilnymi. Kali bačym, što chtości sprabuje kazać, vierbavać, pierakonvać niešta zrabić — treba jak maha chutčej infarmavać našy viedamstvy», — praciahnuła jana.
Nahadajem, što ŭ Vilni ŭ aŭtorak viečaram byŭ ździejśnieny napad na rasiejskaha apazicyjaniera Leanida Vołkava.
Prezident Litvy prakamientavaŭ napad na Leanida Vołkava — i zajaviŭ, što Pucina tut «nichto nie baicca»
«Heta taki typovy bandycki pryviet ad Pucina». U Leanida Vołkava dyjahnastavali pierałom ruki paśla taho, jak na jaho napali ŭ Vilni
Z-błohier z Rasii śćviardžaje, što jahonyja paplečniki napali na Leanida Vołkava
Na paplečnika Navalnaha Leanida Vołkava napali ŭ Vilni
Łukašenkaŭcy ŭpieršyniu za doŭhi čas pakazali Viktara Babaryku13
Kamientary