Asablivaściu imprezy stała toje, što prezientacyju novaj knihi Ryhora Baradulina «Navošta» spałučyli z adkryćciom vystavy amierykanskaha dypłamata i fatohrafa Džona Kunstadtera, čyje fotazdymki ŭpryhožyli knihu narodnaha paeta.
Ryhor Baradulin pa stanie zdaroŭja nie zmoh pryniać udzieł u imprezie, tamu knihu prezientavaŭ Aleś Kamocki, redaktar knihi. Pavinšavać z vychadam knihi pryjšli Źmicier Vajciuškievič i Aleh Chamienka. Na imprezie prysutničała žonka dziadźki Ryhora Valancina Michajłaŭna.
Džona Kunstadter, vialiki siabar Biełarusi, aŭtar šmatlikich fotazdymkaŭ, zroblenych u našaj krainie, źviarnuŭsia da haściej vystavy na dobraj biełaruskaj movie. Muzyčnaje supravadžeńnie viečaru zabiaśpiečyŭ hurt «Dzivasił».
Fatohraf Džon Kunstadter raspaviadaje pra Biełaruś i svaje padarožžy pa joj
…Ja jeździŭ zdymać na Prypiać: Azdamičy, Cierabličy, Alšany. I voś adnojčy ŭ adnoj z hetych viosak my pačali razmaŭlać z haspadyniaj, sapraŭdnaj palašučkaj. Jana — cichaja, vietłaja, raskazvała pra svaje spravy: jak zabivajuć kabančyka, jak pracujuć u parnikach, jak mać 2 kanały pa telebačańni, pa jakich bačyć uvieś śviet. I jak razmaŭlali, dyk pryjšoŭ dadomu jaje syn. Tady haspadynia paprasiła jaho niešta zrabić pa haspadarcy, i toj imhnienna pačaŭ heta rabić. Ale ja ž viedaju, što takoje padletki: hety toj samy ŭzrost, kali jany nie nie chočuć słuchacca, uciakajuć, ale toj padbieh adrazu vykonvać, što zahadała matula. Ja ździviŭsia, jak toje mahčyma, što syn adrazu słuchaje, i jana cicha adkazała adnym słovam: «Musić». Ja adčuŭ u hety momant serca Biełarusi.
…U Biełarusi ludzi vielmi ścipłyja i dalikatnyja. Ja nie znachodžu takoj ścipłaści ŭ inšych krainych, dzie ja pracavaŭ i fatahrafavaŭ, naprykład, u Turcyi dzie ja taksama zdymaŭ, nie… Bałharyja taksama słavianskaja kraina, ale takoj takoj dalikatnaści taksama nie viadziecca. A abliččy ludziej, a taksama krajavidy – vialikija lasy, pasujuć pad hetuju nutranuju dalikatnaść. Rabić fotazdymki na Biełarusi - jak pahružacca ŭ dalikatnaść.
Dla mianie vialiki honar pracavać z Ryhoram Baradulinym: smak jaho movy, jaho pačućcie humaru. Prosta nie znachodzicca inšaha słova: honar i dosyć.
Knihu Ryhora Baradulina «Navošta» prezientavaŭ jaje ŭkładalnik Aleś Kamocki.
Fatohraf Džon Kunstadter.
Aŭtohraf-siesija.
