Śviet33

Erdahan moža pieradać uładu stvaralniku «Bajraktaraŭ», jakija źniščyli mnostva rasijskich sałdat

Jak piša vydańnie The Wall Street Journal, nastupnym prezidentam Turcyi maje ŭsie šancy stać Sialčuk Bajraktar, ziać Erdahana i adzin sa stvaralnikaŭ znakamitych adnajmiennych bieśpiłotnikaŭ, jakija pakazali siabie va ŭsioj krasie va Ukrainie suprać rasijskaj armii.

Sialčuk Bajraktar — saŭładalnik tureckaj kampanii «Baykar Makina», jakaja vypuskaje bieśpiłotniki madelaŭ «Bajraktar». Fota: Anadolu / Contributor Getty Images

Techničny dyrektar i saŭładalnik kampanii pa vytvorčaści vajskovych bieśpiłotnikaŭ «Baykar Makina» Sialčuk Bajraktar staŭ vielmi papularny ŭ krainie i na jaho karyść taksama hulaje toj fakt, što jon žanaty z adnoj z dačok Erdahana.

Vydańnie sa spasyłkaj na krynicy adznačaje, što ŭ tureckich uładnych kołach usio čaściej stali kazać ab pošukach mahčymaha paśladoŭnika Erdahana, asabliva kali toj niadaŭna adkryta zajaviŭ, što «heta jaho apošni prezidencki termin».

Plus da ŭsiaho Sialčuk Bajraktar razam sa svaim bratam Chałukam Bajraktaram (jaki źjaŭlajecca druhim uładalnikam kampanii «Baykar Makina» i jaje hienieralnym dyrektaram) uvachodiać u bližejšaje koła daradcaŭ Erdahana pa mižnarodnych spravach.

Braty Bajraktary (źleva — Chałuk Bajraktar, sprava — Sialčuk Bajraktar) i prezident Turcyi Redžep Taip Erdahan (u centry). Fota: Anadolu / Contributor Getty Images

«Ja nie zajmajusia aktyŭnaj palitykaj, adnak nie vyklučaju, što mahu bałatavacca na pasadu prezidenta Turcyi, kali mianie ab hetym paprosić moj cieść (Erdahan). Mahčyma, ja b pahadziŭsia», — zajaŭlaŭ Sialčuk Bajraktar vydańniu The Wall Street Journal minułaj vosieńniu.

U apošnija časy pradprymalnik staŭ publična paturać nacyjanalistyčnaj rytorycy Erdahana, asabliva pra «vialikija asmanskija časy» Turcyi, i ŭdzielničać razam ź cieściem u praŭradavych mitynhach suprać apieracyi Izraila ŭ Hazie.

Akramia taho, dziejnaść kampanii «Baykar Makina» pad kiraŭnictvam bratoŭ Bajraktaraŭ vyvieła Turcyju na hanarovaje miesca suśvietnaj areny ŭzbrajeńniaŭ, dazvalajučy joj paŭnavartasna kankuravać z ZŠA, Rasijaj i Kitajem.

Bieśpiłotniki «Bajraktar», naprykład, adyhrali klučavuju rolu ŭ pieršyja miesiacy vajny va Ukrainie, źniščyŭšy vielizarnuju kolkaść rasijskich sałdat na podstupach da Kijeva. A pierad hetym jany zabiaśpiečyli technałahičnaje daminavańnie Azierbajdžana padčas vajny ŭ Nahornym Karabachu 2020 hoda. 

Kamientary3

  • Śviaty Bajraktar
    31.03.2024
    Ujavicie tvar pucina. U čamadančyku ŭžo žydzieńka
  • Noŭnejm
    01.04.2024
    Śviaty Bajraktar, 😂👍
  • Aleś
    01.04.2024
    Śviaty Bajraktar, až ujaŭlaju, jaje heta budzie hučać: Pucin sustreŭsia z Bajraktaram.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ledź nie pabiłasia z babkaj u paliklinicy praz tałončyk». Naścia Rybka pryjechała ŭ rodny Babrujsk23

«Ledź nie pabiłasia z babkaj u paliklinicy praz tałončyk». Naścia Rybka pryjechała ŭ rodny Babrujsk

Usie naviny →
Usie naviny

U Polščy biełarus zahinuŭ pad abłomkami histaryčnaha budynka, jaki rekanstrujavaŭ

Kiraŭnikom Hrodzienščyny časova budzie Karajeŭ, bo Karanika pastavili vice-premjeram14

Kamandujučy Suchaputnych vojskaŭ USU paćvierdziŭ rasijski ŭdar pa palihonie ŭ tyle7

Pryznačyli novaha ministra suviazi

Biełaruś pasyłaje ŭ Vatykan pieršaha pasła. Ambrazievič?4

Litoviec pierasiakaŭ Cichi akijan na viosielnaj łodcy, kab stać pieršym u śviecie takim čałaviekam

Biełaruskaja žurnalistka prajšła 140 kiłamietraŭ pa Ispanii i raskazała navošta4

Zialenski nie budzie vybačacca pierad Trampam23

Minskaja doktarka zaklikała pryščaplacca ad kavidu

bolš čytanych navin
bolš łajkanych navin

«Ledź nie pabiłasia z babkaj u paliklinicy praz tałončyk». Naścia Rybka pryjechała ŭ rodny Babrujsk23

«Ledź nie pabiłasia z babkaj u paliklinicy praz tałončyk». Naścia Rybka pryjechała ŭ rodny Babrujsk

Hałoŭnaje
Usie naviny →

Zaŭvaha:

 

 

 

 

Zakryć Paviedamić