Kniha ŭnuka vychadcaŭ ź Biełarusi zajmaje piataje miesca ŭ top-100 najlepšych detektyvaŭ śvietu
Havorka pra knihu Skota Turava «Prezumpcyja nievinavataści».
Naturalna, što sproby abialić reputacyju Ryčarda III byli i raniej. Ale mienavita paśla vychadu ramanu «Dačka času» (u jakaści epihrafu była ŭziataja staraja anhlijskaja prymaŭka «Praŭda — dačka času») u brytanskim hramadstvie ŭźnikła šyrokaja dyskusija nakont byłoha karala Anhlii i była pierahledžana jahonaja rola ŭ historyi.
«Zabojstva Rodžera Ekrojda» Ahaty Kryści, dzie jana adyšła ad tradycyjnych kanonaŭ detektyva, na piatym miescy. Darečy, pryhody Šerłaka Chołmsa tolki dvaccatyja.
A voś «Prezumpcyja nievinavataści» (Presumed Innocent) Skota Turava na vysokim piatym miescy. Skot Turaŭ (Scott Turow) — viadomy amierykanski piśmieńnik, aŭtar jurydyčnych tryleraŭ, a taksama juryst.
Jon naradziŭsia ŭ Čykaha 12 krasavika 1949 hoda, praź niekalki dzion u jaho jubilej — 75 hadoŭ. Jak paviedamlaje Vikipiedyja, jahonyja baćki byli dziećmi jaŭrejaŭ, što emihravali ź Biełarusi.
Hałoŭny hieroj — akruhovy prakuror z pakazalnym imiem Raści Sabič. Zabivajuć jahonuju padnačalenuju i byłuju kachanku Karalin Palimus. Spačatku rasśledavać spravu daručajuć Sabiču, ale chutka padazreńnie padaje na jaho, bo na heta ŭkazvajuć šmatlikija ŭliki, i prakurora biaruć pad vartu.
U 1990 hodzie Ałan Pakuła źniaŭ tryler pa hetym ramanie, dzie hałoŭnuju rolu syhraŭ Charysan Ford, u jakoha, darečy, taksama biełaruskija karani.
Darečy, žonku Raści Sabiča syhrała Boni Biedelia — žonka Džona Mak-Lejna (Brusa Uilisa) u «Mocnym arešku» i ciotka Makaleja Kałkina («Adzin doma») u realnym žyćci.
A Skot Turaŭ paśla napisaŭ niekalki jurydyčnych tryleraŭ. Jon vielmi aktyŭny ŭ fejsbuku, u kastryčniku 2023 hoda reahavaŭ na izrailska-paleścinski kanflikt.
Ale varta taksama ŭličvać, što hetyja śpisy składalisia ŭ kancy XX stahodździa, i tam niama ramanaŭ Ju Nieśbio i Robierta Hełbrejta (Džoan Roŭlinh) — na siońnia załatych etałonaŭ sučasnaha detektyva.
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść2
Kamientary