U Minsku adkryłasia vystava žyvapisu i hrafiki Alaksandra Isačova
Jana prachodzić u Muziei sučasnaha vyjaŭlenčaha mastactva.
19 studzienia ŭ Muziei sučasnaha vyjaŭlenčaha mastactva ŭ Minsku (pr. Niezaležnaści, 47) adkryłasia vystava žyvapisu i hrafiki Alaksandra Isačova, pryśviečanaja 55‑hodździu z dnia naradžeńnia mastaka.
U ekspazicyi — 48 tvoraŭ sa zboru minskaha kalekcyjaniera i mastaka Aleha Arłova.
Udava mastaka Natalla Isačova miarkuje, što svajoj tvorčaściu aŭtar dazvalaje być bližej da Boha i hłybiej razumieć śviet. Pavodle jaje słoŭ, adnačasova tvory Isačova vystaŭleny i ŭ Halerei narodnaha mastaka Biełarusi Haŭryły Vaščanki ŭ Homieli.
Dyrektar muzieja Natalla Šaranhovič adznačyła, što ekspazicyja dazvalaje ŭbačyć «vielmi čysty, cikavy i jaskravy talent mastaka».
Teležurnalist Alaksandr Damaracki nazvaŭ adkryćcio vystavy vialikim śviatam i vialikaj padziejaj u kulturnym žyćci krainy.
Pavodle jaho słoŭ, Isačoŭ — «sapraŭdny mastak, talenavity i niezvyčajny čałaviek, u jakim hareła Božaja iskra, bo jaho karciny zakranajuć, prymušajuć dumać, viartacca da pałotnaŭ, hartać albomy z repradukcyjami jaho tvoraŭ, a taksama bolš daviedacca ab žyćci i charaktary, zvyčkach i ŭdačach aŭtara».
Jak adznačyŭ Arłoŭ, vystava źjaŭlajecca «jašče adnym dokazam taho, što cud na ziamli isnuje». Pavodle jaho słoŭ,
tvorčaść Isačova napoŭniena mahijaj biaskoncaści, cišyni i dziciačaha ŭsprymańnia śvietu.
«Raboty Isačova adroźnivajucca ad sučasnaha alejnaha žyvapisu kłasičnaj technikaj Leanarda da Vinčy, zasnavanaj na padmaloŭcy, prapiscy i lesiroŭcy — šmatsłojnym nakładvańni čystych farbaŭ z doŭhim, da dvuch miesiacaŭ, prasušvańniem kožnaha słoja. Voś čamu takija karcinu žyvuć stahodździ, a raboty sučasnych žyvapiscaŭ, napisanyja na pinienie i škipinary farbami, źmiašanymi na palitry, — praz 10 hadoŭ dehradujuć u kolery», — skazaŭ Arłoŭ. Jon ličyć, što unikalnaja kancepcyja mastactva Isačova, zasnavanaja na dastupnaści, pryhažości i infarmatyŭnaści, zrabiła tvorčaść mastaka »takoj pryciahalnaj i papularnaj».
Vystava pracuje da 14 lutaha.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary