Hałoŭčanka paskardziŭsia na nizkuju jakaść rasijskich inviestycyj, a Mišuścin prapanavaŭ spačatku viarnuć daŭhi
Premjer-ministr Biełarusi Raman Hałoŭčanka i kiraŭnik rasijskaha ŭrada Michaił Mišuścin napiaredadni praviali pieramovy ŭ Maskvie. Padčas ich nie abyšłosia biez vostraha momantu, jaki možna znajści ŭ stenahramie pieramoŭ.
Hałoŭčanka, razvažajučy pra rasijskija inviestycyi ŭ biełaruskija prajekty, adznačyŭ, što ich jakaść prymušaje žadać lepšaha.
«Dola ŭdziełu rasijskich inviestaraŭ u kapitale — tolki 2% ad usiaho abjomu pramych inviestycyj z Rasii. A ŭ struktury pramych zamiežnych inviestycyj naroščvajecca dola daŭhavych instrumientaŭ i źnižajecca dola reinviestavańnia», — raskazaŭ biełaruski premjer.
Hałoŭčanka adznačyŭ, što Rasija źjaŭlajecca najbujniejšym inviestaram u ekanomiku Biełarusi, adnak Biełaruś dla Rasii navat u SND pa abjomie inviestavańnia sastupaje Kazachstanu i Uźbiekistanu.
Mišuścin nie pakinuŭ hetuju zaŭvahu biez adkazu. Staršynia rasijskaha ŭrada vykazaŭ zdahadku, što strymlivaje rasijskija inviestycyi zapazyčanaść Biełarusi ŭ dziaržablihacyjach.
«Viadoma, ja viedaju, što vielizarnaja kolkaść rasiejcaŭ — pramysłoŭcaŭ, pradprymalnikaŭ hatovyja inviestavać, ale tut važna, kab zapazyčanaść była pahašanaja dla raźmiaščeńnia novych biełaruskich ablihacyj na finansavym rynku Rasii. My pra heta havorym z vami. Mienavita heta, mnie zdajecca, źjaŭlajecca strymlivajučym faktaram», — adznačyŭ Mišuścin.
Pry hetym jon upeŭnieny, što Biełaruś prymie miery pa vyrašeńni hetaj prablemy.
Rasijskija trymalniki jeŭrabondaŭ padali ŭ rasijski sud na Minfin Biełarusi. Minsk prosić pieranieści spravu z Maskvy da siabie ci chacia b u Łondan
Moody's abjaviła pra defołt Biełarusi pa jeŭraablihacyjach
Leŭ Lvoŭski: Prablemy ŭ trymalnikaŭ biełaruskich jeŭrabondaŭ skončylisia, prablemy Biełarusi — pačalisia
Ahienctva Fitch abviaściła defołt pa niekatorych biełaruskich jeŭrabondach
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary