Viktaru Kałaŭru prapanujuć viarnucca z-za miažy i zdacca ŭ Śledčy kamitet.
Čałavieka, jakoha źbirajucca sudzić, zvać Viktar Kałaŭr. Jamu 46 hadoŭ, jon rabočy sa Stolina. Paśla škoły prachodziŭ terminovuju słužbu ŭ vałožynskaj 153-j asobaj radyjotechničnaj bryhadzie.
Viadoma, što jon byŭ palityčna aktyŭnym čałaviekam, dopisy pra heta jość u jahonych sacsietkach. Na staronkach u sacsietkach Viktar taksama padtrymlivaje Ukrainu ŭ jaje zmahańni suprać impieryjalistyčnaj ahresii.
Kałaŭra abjavili ŭ vyšuk u Biełarusi ŭletku 2022 hoda jak asobu, jakaja ŭchilajecca ad śledstva pa č.1 art. 130 KK RB (raspalvańnie varožaści abo varažniečy) i art. 369 KK RB (abraza pradstaŭnika ŭłady). Za heta ŭ Biełarusi jamu b pahražała da piaci hadoŭ kałonii. Hetyja artykuły ŭ našaj krainie vykarystoŭvajucca amal vyklučna dla palityčnaha pieraśledu.
Ciapier suprać Kałaŭra pačali «śpiecyjalnuju vytvorčaść» i buduć sudzić Viktara zavočna. Mužčynie prapanujuć viarnucca ŭ Biełaruś i zdacca ŭ Pinski rajonny śledčy kamitet.
U advarotnym vypadku jamu pahražaje «zavočny prysud» — jak i sotniam inšych achviar palityčnych represij, jakim udałosia schavacca ŭ svabodnych krainach.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ. Kala 200 tysiač čałaviek vymušanyja byli pakinuć Biełaruś, ratujučysia ad represij. Sotni tysiač ludziej zaznali administratyŭny pieraśled abo byli zvolnienyja pa palityčnych matyvach.
«Naša Niva» — bastyjon biełaruščyny
PADTRYMAĆ
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary
A kali ŭličvać dziaciej i supruhaŭ, to , miarkuju, pad miljon budzie. I kožny dzień jeduć i jeduć z sasuda.
//////
Užos!Ja by na jeho miestie pozvonił (ili otkrytku posłał) łukašistam i skazał čto hotov iskupiť zaočnoj otsidkoj. A to ni chamon v horło nie poleziet ni fuahra ni ikra ni bielhijskoje pivo s krabom,znaja čto v bulbalendie visit nieotsižienyj zaočnyj prysud.