Zatrymali hrupu ašukancaŭ, jakija kalečyli siabie, kab atrymać strachoŭku
HUBAZiK razam z AMAPaŭcami zatrymali dzieviać čałaviek na Mahiloŭščynie, jakija zajmalisia strachavymi afiorami.
Akramia kiraŭnika, 36-hadovaha žychara Mahiloŭščyny, u hrupu ŭvachodzili jaho svajaki i znajomyja va ŭzroście ad 28 da 50 hadoŭ.
Jany nieadnarazova zaklučali dahavory dobraachvotnaha strachavańnia ad niaščasnych vypadkaŭ, paśla čaho naŭmysna rabili sabie traŭmy palcaŭ ruk i noh, papiarednie ŭvodziačy injekcyi abiazbolvalnaha, piša MUS.
Potym jany atrymlivali strachavyja vypłaty nibyta z-za traŭmavańnie ŭ pobycie. Usiaho za dva hady takim šlacham jany atrymali zvyš 550 tysiač rubloŭ. Hrošy tracili na budaŭnictva i kuplu žylla, transpartu, a taksama davali znajomym u doŭh pad pracenty.
Uzbudžana kryminalnaja sprava za machlarstva, ździejśnienaje arhanizavanaj hrupaj u asabliva bujnym pamiery.
Kamientary