Łukašenku padčas «raptoŭnaj» pravierki pakazali toje, što pierad hetym repieciravali ciaham miesiacaŭ
Manitorynhavaja hrupa «Biełaruski Hajun» źviarnuła ŭvahu na toje, što padčas «raptoŭnaj» pravierki dziažurnych sił VPS i vojskaŭ SPA, jakuju siońnia ździejśniŭ Łukašenka, jamu pakazali toje, što pierad hetym z pačatku hoda ŭžo paŭtarali niekalki razoŭ.
Łukašenka zastaŭsia pabačanym całkam zadavoleny, vykazaŭšy tolki adnu zaściarohu: «Kab heta było sumlenna. Raptoŭnaja pravierka — značyć, viedajuć tyja, kamu treba. A astatnija pracujuć, jak u vajenny čas».
Pa słovach kamandujučaha VPS i vojskami SPA RB Andreja Łukjanoviča, pravierka była niaprostaj: «Byŭ značna pavialičany skład dziažurnych sił, stvorana składanaja pavietranaja abstanoŭka — dadatkova pryznačanyja pavietranyja celi».
Ale, jak zaŭvažyŭ «Biełaruski Hajun», kirujučysia materyjałami svajho manitorynhu, jašče 8 lutaha i 14 sakavika źjaŭlałasia infarmacyja ab praviadzieńni padobnych pavodle charaktaru «pravierak», na jakich adpracoŭvałasia jak umoŭnaje paražeńnie pavietranych celaŭ, tak i prymus da pasadki latalnych aparataŭ. U krasaviku ž takija treniroŭki fiksavalisia trojčy — 11, 26 i 30-ha čysła.
Z hetaha robicca vysnova, što «biełaruskija vajskoŭcy amal try miesiacy repieciravali «pravierku dziažurnych sił», kab siońnia prademanstravać svaje ŭmieńni Łukašenku». A pra raptoŭnaść havorki tut nie idzie.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary
A vot s samaletami NATO, eto už połnaja łaža.
Kto był znakom s vriemien SSSR s PVO i nyniešnije śpiecy, prosto śmiejutsia nad etim šapito.
Čieriez 30 minut ni PVO ni Drozdov nie budiet, a doblestnomu voinu łukašienko prisłuha nie uśpiejet štany natianuť.