Kaciaryna Vadanosava raskazała, jak piła piva ź Dziermantam i była z Marzalukom na kurhanach
Śpiavačka i viadučaja Kaciaryna Vadanosava zhadała, jakimi byli prapahandyst i deputat u raniejšyja časy.
Kaciaryna ŭ vypusku prahramy «Ščyra kažučy» na «Biełsacie» raskazała, što z Alaksiejem Dziermantam u čas svajoj vučoby va ŭniviersitecie joj daviałosia paru razoŭ pić piva ŭ čaburečnaj, u jakoj abviaščali Biełaruskuju Narodnuju Respubliku.
«U jaho byli niejkija kasiaki, «panbałtyzm» u hałavie. Ciapier u jaho naadvarot — jeŭrazijstva. Ale tady jon mnie padavaŭsia troški śmiešnym piersanažam, ale davoli adukavanym»,
— kaža jana.
Vadanosava taksama pryhadała, što z deputatam i historykam Iharam Marzalukom joj daviałosia sustrakać Dzień archieołaha «na niejkich kurhanach pad daždžom». Tady Marzaluk joj padaŭsia cikavym, daśviedčanym čałaviekam.
«Što ź im stałasia ciapier, jak jon miryć u svajoj hałavie zachapleńnie historyjaj, biełaruskuju movu, jakuju jon pavažaje i lubić, i luboŭ adnačasova da dyktatury, da Łukašenki, ja nie viedaju. Musić być niejkaja mudrahielistaja raźba ŭ hetych šaściareńkach, kab jany źjadnalisia, što mnie heta niezrazumieła», — dzivicca Vadanosava.
Adnosna ščyraści deputata i člena-karespandenta Akademii navuk śpiavačka i televiadučaja zaŭvažaje:
«Moža być i ščyry, ale heta ščyraść trochi šyzafreničnaja».
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary