Viadomy repier Oxxxymiron abjaŭleny ŭ vyšuk u Rasii. Jahonaja kartka źjaviłasia ŭ bazie miascovaha MUS. Pa jakim artykule vyšukvajuć Mirona Fiodarava, nieviadoma, piša ASTRA.
Oxxxymiron — adzin z tych rasijskich artystaŭ, jakija adkryta vystupili suprać vajny va Ukrainie. Za vykazvańni i pieśni repiera ŭžo niekalki razoŭ štrafavali.
U pačatku 2023 hoda sud u Sankt-Pieciarburhu pryznaŭ Aksimirona vinavatym pavodle administracyjnaha artykuła ab «publičnych zaklikach da sieparatyzmu» z-za treka «Ojda». Za heta jaho aštrafavali na 70 tysiač rasijskich rubloŭ (amal 1000 dalaraŭ).
U kancy 2022 hoda Leninski sud Pieciarburha štrafavaŭ repiera pa artykule ab «dyskredytacyi» armii na 45 tysiač rasijskich rubloŭ (70 dalaraŭ). Nahodaj stała antyvajennaje videa, apublikavanaje ŭ lutym 2022 hoda.
Miron Fiodaraŭ byŭ pryznany ŭ Rasii «zamiežnym ahientam». Pa danych TASS, jaho šukajuć za parušeńnie pravił dziejnaści zamiežnaha ahienta.
Kamientary