Kiroŭcu aŭtobusa, što ŭpaŭ u vadu ŭ Pieciarburhu, zatrymali. Vidavočcy raspaviali, što papiaredničała padzieńniu
Śviedkami padzieńnia aŭtobusa ŭ raku Mojku ŭ Pieciarburhu stali studenty kansiervatoryi imia Rymskaha-Korsakava.
Jak raspavioŭ «Fantancy» adzin z navučencaŭ Michaił, huk udaru pierapyniŭ vučebnyja zaniatki, padzieńnie aŭtobusa jon zmoh nazirać z akna. «Ja bačyŭ momant udaru aŭtobusa ab mašynu, jaho raźviarnuła i jon pačaŭ padać. Aŭtobus zbočyŭ, raźbiŭ bardziur, raźbiŭ aharodžu i ŭpaŭ bokam», — skazaŭ jon.
Sa słoŭ vidavočcaŭ, inšaja surazmoŭnica raspaviała, što pierad sutyknieńniem aŭtobus staŭ vichlać. «Jon staŭ źbivać mašyny, jakija stajali. Usio chutka adbyłosia», — skazała jana.
Jak raspavioŭ adzin ź vidavočcaŭ, aŭtobus urezaŭsia ŭ dva aŭtamabili, prabiŭ aharodžu i ŭpaŭ u vadu. Na miesca zdareńnia prybyli miedyki i palicyja. Papiarednie ŭ momant avaryi ŭ sałonie znachodziłasia kala 20 čałaviek. Ratavalniki dastajuć paciarpiełych z vady i katarami dastaŭlajuć na bierah.
Aŭtobus pad vadoj znachodzicca ŭžo paŭtary hadziny: adzin čałaviek zahinuŭ, kiroŭca aŭtobusa zatrymany, ale jamu budzie akazana nieabchodnaja dapamoha ŭ balnicy.
Minimum siem čałaviek vyratavali. Čaćviora paciarpiełych — u ciažkim stanie. Jašče traich sprabujuć reanimavać u mašynach reanimacyi
Kamientary