29 hadoŭ tamu adbyŭsia pieršy refierendum u historyi suvierennaj Biełarusi. Adno z pytańniaŭ datyčyłasia dziaržaŭnaha statusu ruskaj movy. Pra toje, jak hałasavała Halina Łukašenka, zhadaŭ žurnalist Dźmitryj Hurnievič.
14 maja 1995 hoda ŭ Biełarusi prajšoŭ prapanavany Alaksandram Łukašenkam refierendum. Na hałasavańnie vynieśli čatyry pytańni — ab nadańni ruskaj movie roŭnaha statusu ź biełaruskaj, ab viartańni abnoŭlenych savieckich simvałaŭ zamiest nacyjanalnych bieł-čyrvona-biełaha ściaha i «Pahoni», ab ekanamičnaj intehracyi z Rasijaj i ab dazvole prezidentu raspuskać Viarchoŭny Saviet.
Pa aficyjnych danych, pa ŭsich pytańniach udzielniki hałasavańnia padtrymali Łukašenku. Za nadańnie ruskaj movie statusu dziaržaŭnaj, pavodle źviestak CVK, prahałasavali 83,3% udzielnikaŭ refierendumu — krychu bolš za 4 miljony čałaviek.
Adnak, žonka Łukašenki Halina ŭ hetyja 4 miljony nie ŭvachodziła. Žurnalisty haziety «Svaboda» ŭ tyja majskija dni datelefanavalisia da jaje. Jana raspaviała, što hałasavała suprać statusu ruskaj movy jak dziaržaŭnaj.
Sa słoŭ Haliny Łukašenki, joj było vielmi škada, što ludzi ŭ takoj vialikaj kolkaści vykazalisia za ruskuju movu. Zrešty, žonka Łukašenki vykazała ŭpeŭnienaść, što biełaruskaja mova nie źniknie.
«Matčyna mova budzie žyć zaŭsiody. Ja ŭ heta vieru», — zajaviła tady Halina Łukašenka.
U Kanstytucyi 1994 hoda bieź źmienaŭ i dapaŭnieńniaŭ tolki biełaruskaja mova vałodała statusam dziaržaŭnaj. Pry hetym u asnoŭnym zakonie havaryłasia, što ruskaja źjaŭlajecca movaj mižnacyjanalnych znosin i svaboda karystańnia ruskaj movaj abaraniałasia dziaržavaj.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary