Piešachodny pierachod jak by rehulavany, ale śviatłafor nie pracuje — tak što nierehulavany. Kiroŭcy abaviazanyja sastupić darohu: adzin tak i zrabiŭ, druhi pralacieŭ na značnaj chutkaści. Cud, što ŭsio heta skončyłasia biez nastupstvaŭ, piša Onliner.by.
Videa źniataje na skryžavańni vulic Białhradskaj i Tesły ŭ Minsku.
— Ja spyniŭsia prapuścić chłopca na elektrasamakacie, — paćvierdziŭ aŭtar videa.
Čamu na takoj chutkaści prajechaŭ pierachod inšy kiroŭca — pytańnie. Mahčyma, jon i zusim nie bačyŭ, što chtości vyjazdžaje na pierachod. Być było biadzie, ale dobra zreahavaŭ čałaviek na samakacie. Situacyja była niaprostaj: prajšoŭ doždž, i daroha była vielmi mokraj. U vyniku navat pry nievialikaj chutkaści zapavolicca samakatčyku było składana. Ale paśpieŭ, spyniŭsia, kali pierad nosam praniesłasia mašyna. Kiroŭca jak jechaŭ, tak i pajechaŭ dalej.
«Ravarystaŭ ci ludziej na samakatach źbivajuć tyja kiroŭcy, jakija pieršapačatkova nie dumajuć pra toje, što jany pavinny heta kantralavać. Čałaviek, jaki viedaje, kudy jamu hladzieć, nie sabje nikoha», — kaža ekśpiert Juryj Krasnoŭ.
Čytajcie taksama:
U Minsku ŭzmacnili kantrol za viełasipiedystami i samakatčykami
U Minsku dziaŭčyna na samakacie trapiła pad maršrutku
Na praśpiekcie Pieramožcaŭ u Minsku lehkavik źbiŭ dźviuch dziaŭčynak-padletkaŭ na samakacie
