Uładzimir Zialenski z Charkava zapisaŭ zvarot da lidaraŭ śvietu, kab tyja dapamahli ŭstalavać sapraŭdny mir, a nie pierapynak pamiž udarami.
«Dla ich heta zadavalnieńnie — spalvać. My ŭsie viedajem, z kim majem spravu. Rasijaj kirujuć ludzi, jakija chočuć zrabić normaj spalvać žyćcio, razburać harady i vioski, padzialać narody i ścirać nacyjanalnyja miežy vajnoj.
Niama nacyi, jakaja zdolnaja spynić takuju vajnu tolki svaimi namahańniami. Patrabujecca ŭdzieł lidaraŭ śvietu.
Ci choča Rasija dyjałohu? Ukraina maje samy vialiki ŭ śviecie dośvied padmanu z boku Rasiei na pieramovach. Padmanu, jaki, u pryvatnaści, byŭ prykryćciom Rasii dla padrychtoŭki hetaj vajny. I mienavita tamu patrebnyja hłabalnyja namahańni — samit śvietu z udziełam lidaraŭ, jakich Rasii nie padmanuć», — skazaŭ Zialenski.
Zialenski dadaŭ, što Ukraina maje paćvierdžańnie ŭdziełu ŭžo bolš za 80 dziaržaŭ.
«Ja źviartajusia da lidaraŭ śvietu, jakija pakul što ŭ baku ad hłabalnych namahańniaŭ pa padrychtoŭcy samitu śvietu: da prezidenta Bajdena, lidara Złučanych Štataŭ, da prezidenta Si, lidara Kitaja. My nie chočam, kab, hetak ža jak hetyja knihi, zhareŭ Statut AAN. Spadziajusia, nie chočacie i vy. Kali łaska, prajavicie vaša lidarstva ŭ nabližeńni miru — miru, a nie paŭzy pamiž udarami.
Namahańni suśvietnaj bolšaści — heta lepšaja harantyja vykanańnia abaviazacielstvaŭ. Kali łaska, padtrymajcie samit śvietu svaim asabistym lidarstvam i ŭdziełam», — skazaŭ Zialenski.
Samit u Šviejcaryi projdzie 15-16 červienia, a papiaredničać jamu budzie sustreča lidaraŭ krain G7 u Italii.
Bajden prapuścić samit miru pa Ukrainie ŭ Šviejcaryi. Jon pierasiakajecca ź pieradvybarčym mierapryjemstvam pa zbory hrošaj u Kalifornii
Zialenski pra samit u Šviejcaryi: Zaprošanyja kiraŭniki dziaržaŭ z usich kantynientaŭ
Kuleba: Ukraina moža pačać pieramovy z Rasijaj paśla červieńskaj kanfierencyi ŭ Šviejcaryi
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy3
Kamientary