U MUS raskazali, jakija pravaparušeńni robiać dzieci 8-10 hadoŭ
Adkaznaść za ich niasuć baćki.
Navat dzieci va ŭzroście 8-10 hadoŭ ździajśniajuć u Biełarusi pravaparušeńni. Pra heta raskazaŭ namieśnik načalnika ŭpraŭleńnia pa achovie pravaparadku i prafiłaktyki HUUS Minharvykankama Dźmitryj Mialeška.
Ź jahonych słoŭ, jość try samyja raspaŭsiudžanyja siarod dziaciej i padletkaŭ pravaparušeńni, piša «SB».
«U pieršuju čarhu, heta raśpićcio śpirtnych napojaŭ u hramadskich miescach, a taksama drobnaje chulihanstva i drobny kradziež. Darečy, drobnyja kradziažy čaściej za ŭsio ździajśniajuć dzieci vaśmi-dziesiaci hadoŭ. Abo starejšyja, ale ŭžo ŭ kampanii, kab vyłučycca siarod adnahodkaŭ, dakazać, što im nie słabo», — adznačyŭ milicyjanier.
Adkaznaść za złačynstvy i pravaparušeńni nadychodzić z 16 hadoŭ. Adnak u niekatorych vypadkach hety ŭzrost moža być źnižany da 14 hadoŭ — heta artykuły, jakija tyčacca naŭmysnaha pryčynieńnia cialesnych paškodžańniaŭ, abraz, drobnych kradziažoŭ, drobnaha chulihanstva, žorstkaha abychodžańnia z žyviołami.
U Kryminalnym kodeksie heta ŭsio, što źviazana z kradziažami, kradziažami ŭ internecie i niezakonnym abarotam narkatyčnych srodkaŭ.
Adkaznaść za dziaciej, małodšych za 14 hadoŭ, niasuć ich baćki — za nieadpaviednaje vychavańnie.
Padletkavy hvałt sychodzić z vulic, zatoje adbyvajecca ramantyzacyja zabojstva ŭ škole — ekśpiert
Milicyja nakryła ŭ Barysavie dzień naradžeńnia — paŭtara dziasiatka niepaŭnaletnich pili harełku. Małodšaj było 12 hadoŭ
Padletki katalisia ŭčatyroch na adnym samakacie. Milicyja znajšła videa i pryjšła da ich u kaledž
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary