Na Homielščynie adkryli novaje radovišča nafty. Łukašenka zahadvaŭ heta zrabić miesiac tamu
U Akciabrskim rajonie Homielskaj vobłaści adkryli novaje radovišča nafty, paviedamiŭ ministr pryrodnych resursaŭ i achovy navakolnaha asiarodździa Siarhiej Maślak.
Pošuk novych radoviščaŭ vioŭ Navukova-vytvorčy centr pa hieałohii, u ramkach hetaj pracy jaho śpiecyjalisty praburyli pieršuju śvidravinu «Zaazierjeŭskaje» ŭ Akciabrskim rajonie hłybinioj 4,2 tys. m.
Dziakujučy prymianieńniu technałohij kisłotna-salanaha razryvu płasta na adznacy 4053 m i 4069 m vyjaŭleny prytok nafty. Debit śvidraviny składaje 600 ł u sutki.
«Heta niadrenny vynik. Tamu možna kazać, što my adkryli novaje radovišča nafty», — skazaŭ ministr. Pavodle papiarednich acenak, zapasy ŭ joj składajuć 152 tys. t nafty.
Paśla taho, jak hetyja abjomy paćvierdzić respublikanskaja kamisija pa zaćviardžeńni zapasaŭ karysnych vykapniaŭ, radovišča budzie pieradadziena na dziaržaŭny bałans, a dalej — u pracu «Biełarusnafty» dla pramysłovaj zdabyčy.
Ciapierašnija pramysłovyja zapasy biełaruskaj nafty składajuć 44,7 młn t. u hod. U Biełarusi zdabyvajuć kala 1,9 młn ton nafty (15% ad unutranych patrebaŭ). Usiaho na terytoryi krainy adkryta 96 radoviščaŭ nafty, ź ich 36 znachodziacca ŭ pracy.
Varta adznačyć, što tolki miesiac tamu, 22 krasavika hetaha hoda, Łukašenka daŭ zahad novapryznačanamu ministru Siarhieju Maślaku ŭzmocniena šukać karysnyja vykapni i bolš intensiŭna asvojvać ichnija radoviščy. Nielha vyklučać, što paviedamleńnie pra novaadkrytaje radovišča źjaŭlajecca reakcyjaj na heta daručeńnie.
Kamientary
hosudarstviennoje riehulirovanije cien na miedicinskije usłuhi (vsie miedicinskije cientry
budut častnymi). Naprimier strachovaja miedicina śnižajet ježiemiesiačnyj vznos na
miedicinskije usłuhi .A hosudarstviennoje riehulirovanije rynka miedicinskich usłuh
mohut sdiełať strachovuju miedicinu dostupnoj. Ja v principie za rynočnuju ekonomiku,
no miedicinskaja śfiera osobo važnaja dla ludiej. Naprimier, ohraničivať nie cieny, a
maksimalnuju pribyl miedicinskoho učrieždienija, skažiem 15%(čistaja pribyl pośle
upłaty nałohov i vsiech zatrat).