Łukašenka ŭ Irkucku pachvaliŭsia, jak zadušyŭ strajk mašynistaŭ mietro ŭ 1995-m
Pierad hetym palityk, hubiernatar i miascovy žychar zabłytalisia ŭ ahulnych znajomych.
Alaksandr Łukašenka padčas vizitu ŭ Irkuck pahutaryŭ z byłym načalnikam Uschodnie-Sibirskaj čyhunki Hienadziem Kamarovym.
Hanarovy žychar Irkucka zajaviŭ, što byvaŭ u Minsku i ŭ jaho tam jość siabry, u tym liku pa proźviščy Vaładźko. U hety momant u razmovu ŭmiašaŭsia hubiernatar Irkuckaj vobłaści Ihar Kobzieŭ — jon vykazaŭ zdahadku, što Kamaroŭ maje na ŭvazie Anatola Vaładźko, byłoha načalnika Paŭdniova-Uschodniaj čyhunki ŭ Rasiei. Piensijanier navat pahadziŭsia.
Adnak Łukašenka zrazumieŭ, što Kamaroŭ kaža pra inšaha Vaładźko — Jaŭhiena, jaki ŭznačalvaŭ Biełaruskuju čyhunku ŭ 1990-ja. Z hetaj nahody Łukašenka raptam uspomniŭ strajk mašynistaŭ mietro, jaki prajšoŭ u žniŭni 1995 hoda.
«U nas ačumiełyja mietro spynili. Mietro staić, dva miljony horad, śpioka, pamiataju, bolš za 30. Ja vyklikaju Vaładźko, kažu: «Zdymaj mašynistaŭ z čyhunki». A ŭ mianie mama pracavała na čyhuncy, jany da mianie z pavahaj. Jon kaža: «Ty što, Alaksandr Ryhoravič, našy mietro nie ŭmiejuć vadzić».
Ja kažu, što tam vadzić — sieŭ, i pajechaŭ. Kaža, nie paśpiejuć za dźvie chviliny intervał. Ja kažu, rabi čatyry. I my z mašynistami, małajcy chłopcy, 60 čałaviek, zabiaśpiečyli pracu», — uspomniŭ Łukašenka.
Pavodle jaho słoŭ, praz dva miesiacy jon ubačyŭ z voknaŭ svajoj rezidencyi, jak žonki nibyta pryviali strajkoŭcaŭ mašynistaŭ prasicca nazad.
«Pracy niama, siamju karmić treba, i jany pierad saboj honiać hetych mužykoŭ da mianie prabačeńnia prasić. Ja kažu — dobra, usio ž taki siemji. Potym samaja apora maja była», — zajaviŭ palityk.
Zabastoŭka mašynistaŭ minskaha mietro adbyłasia 17—21 žniŭnia 1995 hoda, u centry stalicy ŭźnik transpartny kałaps. Łukašenka tady abvinavaciŭ u arhanizacyi strajku Biełaruski narodny front, a taksama amierykanskija i polskija prafsajuzy.
Łukašenka rasparadziŭsia adpravić pracavać u mietro mašynistaŭ pryharadnych elektryčak, im u dapamohu pryvieźli mašynistaŭ Maskoŭskaha mietrapalitena. U vyniku pracy štrejkbrechieraŭ i siłavoha cisku zabastoŭka była spynienaja. Pa jaje vynikach ź mietro zvolnili nie mienš za 50 udzielnikaŭ strajku.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?14
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?
Bajden moža źniać svaju kandydaturu z vybaraŭ, kali na jaho nacisnuć svajaki i siabry. A chto jaho moža zamianić?6
«Hałodnyja. Zmučanyja. Ščaślivyja». Apublikavali FOTY ŭkrainskich vajskoŭcaŭ paśla rasijskaha pałonu4
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka16
Kamientary