Partyja Mary Lo Pen razyšłasia z «Alternatyvaj dla Hiermanii»

Vybary ŭ Jeŭrapiejski parłamient pakazali rost upłyvu ultrapravych partyj. Jak piša Politico, pravacentrysty buduć mieć u im 184 miescy z 720. Tak u Hiermanii «Alternatyva dla Hiermanii» nabrała 16,5% hałasoŭ i zaniała druhoje miesca. A ŭ Francyi vynik jašče bolš uražvaje — «Nacyjanalnaje abjadnańnie» atrymała amal tracina ŭsich hałasoŭ.

Jak zaŭvažaje vydańnie, kali b ultrapravyja sfarmavali adzinuju hrupu, jana stała b druhoj pa vieličyni siłaj u parłamiencie paśla tradycyjna daminujučaj Jeŭrapiejskaj narodnaj partyi. Ale sapiernictva i roznahałośsi ŭ šerahach ultrapravych robiać taki scenaryj małavierahodnym.

Tak, za niekalki tydniaŭ da vybaraŭ lidary francuzskaha «Nacyjanalnaha abjadnańnia» zajavili, što ŭ novym składzie Jeŭraparłamienta vyjduć z kaalicyi z «Alternatyvaj dla Hiermanii».

«My bolš nie budziem razam ź imi siadzieć na pasiadžeńniach u ramkach nastupnaha mandatu. … «Alternatyva dla Hiermanii» pierajšła čyrvonuju liniju. Paśla jeŭrapiejskich vybaraŭ u nas źjaviacca novyja sajuźniki, i my bolš nie budziem u kaalicyi z «Alternatyvaj dla Hiermanii», —

zajaviŭ viadučy kandydat ad «Nacyjanalnaha abjadnańnia» na vybarach u Jeŭraparłamient Džordan Bardeła (Jordan Bardella) padčas debataŭ na francuzskim telekanale LCI.

Sama Mary Lo Pen, jak piša Le Monde adznačyła, što «ruch, jaki patrapiŭ pad kantrol najbolš radykalnaj jaho častki, bolš nie zdajecca mnie nadziejnym i padychodziačym sajuźnikam».

Pryčynaj takich hučnych zajaŭ stała vykazvańnie kiraŭnika śpisu «Alternatyvy dla Hiermanii» na vybarach u Jeŭraparłamient i jeŭradeputata Maksimilana Kra (Maximilian Krah).

U intervju italjanskamu vydańniu La Repubblica, Kra siarod inšaha zajaviŭ, što nielha «aŭtamatyčna ličyć złačyncam» kožnaha, chto słužyŭ u SS: «Siarod 900 tysiač členam SS było šmat sialan. Zrazumieła, byŭ vysoki pracent złačyncaŭ, ale imi byli nie ŭsie». Adznačym, što paśla skandału kandydaturu Kra źniali z vybaraŭ.

Kanflikt pamiž dźviumia bujnymi jeŭrapiejskimi ŭltrapravymi partyjami saśpiavaŭ daŭno. Jašče ŭ pačatku hoda niamiecki sajt rasśledavańniaŭ Correctiv paviedamiŭ ab praviadzieńni 25 listapada 2023 h. u Patsdamie sakretnaj sustrečy kiraŭnictva «Alternatyvy dla Hiermanii» z pradstaŭnikami nieanacysckaha ruchu dla abmierkavańnia maštabnaha prajekta pa reimihracyi, jaki moža zakranuć piać-šeść miljonaŭ žycharoŭ krainy zamiežnaha pachodžańnia.

Paśla hetaha Lo Pen pryhraziła razryvam i čakała jašče čatyry miescy, kab kančatkova dystancyravacca ad «Alternatyvy dla Hiermanii».

Vydańnie nahadvaje, što Maksimilijan Kra, jaki padazrajecca ŭ niezakonnym atrymańni hrošaj ad rasijskich i kitajskich krynic, ciapier źjaŭlajecca abjektam dvuch rasśledavańniaŭ. A zusim niadaŭna Bjorn Chiokie (Björn Höcke), lidar radykalnaha kryła partyi, byŭ aštrafavany za vykarystańnie ŭ svajoj pramovie nacysckaha łozunhu. Da hetaha niamiecki sud dazvoliŭ śpiecsłužbam trymać partyju, jakaja aficyjna padazrajecca ŭ ekstremiźmie, pad pilnym nazirańniem.

Le Monde nahadvaje, što sama Lo Pen jašče ŭ śniežni minułaha hoda pryznavałasia, što sfarmiravać parłamienckuju kaalicyju biez udziełu «Alternatyvy dla Hiermanii» budzie vielmi składana, ale, jak zaŭvažaje vydańnie, jeŭrapiejskaja stratehija vyklikaje najmienšaje chvalavańnie ŭ partyi, jakaja hladzić tolki na 2027 hod, kali adbuducca prezidenckija vybary ŭ Francyi.

• 0
• 5
• 0
• 3
• 2
• 1
• 4